آئی پی ایل 2023: سنجو سیمسن اور ہیٹمائر کی بدولت راجستھان کی سنسنی خیز جیت، چھکے سے میچ ختم

آئی پی ایل 2023: سنجو سیمسن اور ہیٹمائر کی بدولت راجستھان کی سنسنی خیز جیت، چھکے سے میچ ختم ہوا

احمد آباد،17اپریل (ہ س)

 احمدآباد کے نریندر مودی اسٹیڈیم میںاتوار کا دوسرا آئی پی ایل 2023 میچ گجرات ٹائٹنز اور راجستھان رائلز کے درمیان کھیلا گیا۔ پہلے بلے بازی کرتے ہوئے میزبان گجرات ٹائٹنز نے راجستھان رائلز کے سامنے 178 رنوں کا مشکل ہدف رکھا جسے مہمان ٹیم نے آخری اوور میں 4 گیندیں باقی رہ کر حاصل کر لیا۔ راجستھان کی اس سنسنی خیز جیت میں کپتان سنجو سیمسن اور شمرون ہیٹمائر نظر آئے۔

شبھمن گل اور ڈیوڈ ملر کیجدوجہد بھری اننگ کی بدولت گجرات نے راجستھان کے سامنے 178 رنوں کا ہدف دیا۔ جوس بٹلر اور یشسوی جیسوال ہدف کا تعاقب کرنے آئے اور سستے میں آؤٹ ہو کر پویلین لوٹ گئے۔ جب جوس بٹلر صفر پر آؤٹ ہوئے تو یشسوی نے صرف 1 رن بنایا۔ کپتان سنجو سیمسن نے دیودت پڈیکل کے ساتھ 43 رن کی اہم شراکت داری کی۔ دیودت نے 26 رن بنائے جبکہ سنجو سیمسن نے 32 گیندوں میں 60 رن کی طوفانی اننگ کھیلی۔ اس دوران سنجو سیمسن نے 3 چوکے اور 6 چھکے لگائے۔

سنجو سیمسن کے آؤٹ ہونے کے بعد شمرون ہیٹمائر نے دھرو جوریل کے ساتھ 47 رن جوڑے۔ دھرو جوریل نے 10 گیندوں میں 18 رن بنائے۔ اس کے بعد بلے بازی کرنے آئے  آر اشون نے 3 گیندوں میں 10 رن بنائے۔ آخر میں، شمرون ہیٹمائر نے ایک سرے پر کھڑے ہو کر آخری اوور کی دوسری گیند پر چھکا لگا کر میچ ختم کر دیا۔ شمرون ہیٹمائر نے 26 گیندوں پر 56 رنوں کی شاندار اننگ کھیلی جس میں 2 چوکے اور 5 چھکے شامل تھے۔

گجرات کی جانب سے محمد شامی نے شاندار گیندبازی کی اور 3 بڑی وکٹیں حاصل کیں۔ ان کے علاوہ راشد خان نے 2 اور نور احمد اور کپتان ہاردک پانڈیا نے 1-1 وکٹ حاصل کی۔ اس شاندار جیت کے ساتھ راجستھان رائلز نے 5 میں سے 4 میچ جیتے ہیں اور 8 پوائنٹس کے ساتھ پوائنٹس ٹیبل میں پہلی پوزیشن پر برقرار ہے۔ گجرات ٹائٹنز کی ٹورنامنٹ میں یہ دوسری شکست ہے اور ٹیم پوائنٹس ٹیبل پر تیسرے نمبر پر ہے۔