پاکستانی ٹیم 20جون کو انگلینڈ اور ویسٹ انڈیز دورے کے لیے لاہور میں

<p dir="RTL" style="text-align: justify;">
<strong>پاکستان ٹیم 20 جون کو انگلینڈ اور ویسٹ انڈیز کے دورے کے لیے لاہور میں جمع ہوگی اور پانچ روز کے لیے قرنطینہ میں رہے گی</strong><strong><span dir="LTR"> </span></strong></p>
<p dir="RTL" style="text-align: justify;">
انگلینڈ اور ویسٹ انڈیز کے دوروں کے لیے پاکستانی کرکٹ ٹیم 20 جون کو لاہور میں جمع ہوگی ، جہاں ٹیم پانچ روز تک مکمل طور پر قرنطینہ میں رہے گی۔ پاکستانی ٹیم انگلینڈ کے خلاف تین ون ڈے اور اتنے ہی ٹی ٹوینٹی اور ویسٹ انڈیز کے خلاف پانچ ٹی ٹونٹی اور دو ٹیسٹ میچ کھیلے گی۔</p>
<p dir="RTL" style="text-align: justify;">
ٹیم کے ممبروں کا پہلا کووڈ 19 ٹیسٹ 16 جون کو ان کے گھر پر کیا جائے گا۔ اس کے بعد دوسرا ٹیسٹ 20 جون کو لاہور میں ہوگا۔ پاکستانی کرکٹ بورڈ (پی سی بی) نے ایک بیان میں کہا ، "ٹیم کے ممبران کے ٹیسٹ میچ کا آغا 20 جون کورونا کا دوسرا ٹیسٹ کرائیں گے  جس کے بعد وہ 25 جون کو لاہور سے چارٹرڈ فلائٹ سے مانچسٹرکے لئے روانہ ہوں گے۔<span dir="LTR">"</span></p>
<p dir="RTL" style="text-align: justify;">
پی سی بی کے مطابق ، باقی ممبران ابو ظہبی سےانگلینڈ دورہ کے لیے ٹیم میں شامل ہوں گے۔ وہ ابوظہبی سے مانچسٹر جانے والی پرواز میں سفر کریں گے۔ پاکستانی ٹیم 25 جون کو مانچسٹر سے ڈربی کا سفر کرے گی ، جہاں وہ دس دن قرنطینہ میں گزارے گی۔</p>
<p dir="RTL" style="text-align: justify;">
ٹیم کے تمام ممبر پہلے تین دن تک علیحدہ علیحدہ رہیں گے۔ ڈربی میں قرنطینہ مکمل کرنے کے بعد ، پاکستانی ٹیم کارڈف کا سفر کرے گی ، جہاں وہ 8 جولائی کو میزبان ٹیم کے خلاف اپنا پہلا ون ڈے کھیلے گی۔</p>
<p dir="RTL" style="text-align: justify;">
انگلینڈ کے خلاف تین ون ڈے میچوں کی سیریز کی تکمیل پر ون ڈے ٹیم کے ممبر 15 جولائی کو واپس پاکستان کا سفر کریں گے۔ قومی کرکٹ ٹیم 21 جولائی کو ویسٹ انڈیز کا سفر کرے گی۔ دونوں ٹیموں کے درمیان پانچ ٹی ٹوینٹی میچوں کی سیریز 27 جولائی سے 3 اگست تک کھیلی جائے گی ، جس کے بعد ٹی ٹوینٹی کھلاڑی واپس پاکستان چلے جائیں گے۔ اس کے بعد ، پاکستانی ٹیم ویسٹ انڈیز کے خلاف 12 اگست سے 24 اگست تک کنگسٹن کے سبینا پارک میں دو ٹیسٹ میچوں کی سیریز کھیلے گی۔ ٹیم ٹیسٹ سیریز کے بعد وطن واپس آئے گی۔</p>
<p dir="RTL" style="text-align: justify;">
<strong>پاکستانی کھلاڑی انگلینڈ، ویسٹ انڈیز پر بغیر فیملی کا کریں گے دورہ</strong></p>
<p dir="RTL" style="text-align: justify;">
پاکستان کرکٹ ٹیم کے کھلاڑیوں کو دورہ انگلینڈ اور ویسٹ انڈیزمیں بھی فیملیز ساتھ لے جانے کی اجازت نہیں ہوگی۔پاکستان کرکٹ بورڈ (پی سی بی) ذرائع کے مطابق پاکستانی ٹیم نے رواں ماہ ون ڈے اور ٹی ٹوئنٹی سیریز کے لیے انگلینڈ کا دورہ کرنا ہے جس کے بعد پاکستانی ٹیم انگلینڈ ہی سے ویسٹ انڈیز کے لئے روانہ ہوجائےگی۔بورڈ ذرائع کے مطابق ٹیم کے ساتھ سپورٹ اسٹاف بھی اہل خانہ کے بغیر ہی دوروں پر روانہ ہوگا۔ </p>
<p dir="RTL" style="text-align: justify;">
کورونا وائرس کے باعث گزشتہ دورہ ٔ انگلینڈ ، نیوزی لینڈ ، جنوبی افریقہ اور زمبابوے میں بھی اہل خانہ ساتھ رکھنے کی اجازت نہیں تھی جبکہ ہوم سیریز میں پی سی بی نے بائیو سیکور ببل میں فیملیز کو ساتھ رکھنے کی اجازت دی تھی۔واضح رہے کہ پاکستان ٹیم 25 جون کو دورہ انگلینڈ کے لیے روانہ ہوگی ، ٹیم وائٹ بال سیریز کے بعد ویسٹ انڈیز روانہ ہو جائے گی۔</p>