روہت شرما ٹی20 انٹرنیشنل کرکٹ میں سب سے زیادہ چھکے لگانے والے بلے باز

 بھارتی کرکٹ ٹیم کے کپتان روہت شرما اب ٹی ٹوئنٹی انٹرنیشنل کرکٹ کی تاریخ میں سب سے زیادہ چھکے لگانے والے بلے باز بن گئے ہیں۔ روہت نے جمعہ کو ناگپور میں آسٹریلیا کے خلاف دوسرے T20 میچ کے دوران یہ کارنامہ انجام دیا۔

روہت شرما نے اس میچ میں 20 گیندوں پر ناٹ آؤٹ 46 رن کی شاندار اننگ کھیلی جس کے دوران انہوں نے چار چوکے اور چار چھکے لگائے۔ ان کی اننگ کی بدولت ہندوستان نے یہ میچ 6 وکٹوں سے جیت لیا۔

اب روہت کے پاس ٹی 20 کرکٹ میں کل 176 چھکے ہیں۔ دوسرے نمبر پر نیوزی لینڈ کے اوپنر مارٹن گپٹل کے نام 172 چھکے ہیں۔

روہت نے T20 انٹرنیشنل کرکٹ میں 138 میچوں کی 130 اننگ میں 32.53 کی اوسط سے چار سنچریوں اور 28 نصف سنچریوں کی مدد سے 3,677 رن بنائے ہیں۔ ان 3,677 رن میں سے 1,056 رن چھکوں کی مدد سے بنے۔ یعنی روہت کے 28.71 فیصد رن صرف چھکوں سے بنے۔

میچ کی بات کریں تو بارش کی وجہ سے اس میچ کو 8-8 اوورز کا کر دیا گیا۔ اس میچ میں آسٹریلیا نے پہلے بیٹنگ کرتے ہوئے 5 وکٹوں پر 90 رن بنائے۔ آسٹریلیا کی جانب سے کپتان ایرون فنچ نے 31 اور میتھیو ویڈ نے ناٹ آؤٹ 43 رن بنائے۔

بھارت کی جانب سے اکشر پٹیل نے دو اور جسپریت بمراہ نے ایک وکٹ حاصل کی

جواب میں بھارت نے 7.2 اوور  میں 4 وکٹ پر 92 رن بنا کر کامیابی حاصل کی۔ کپتان روہت شرما نے ناٹ آؤٹ 46 اور دنیش کارتک نے دو گیندوں پر ناٹ آؤٹ 10 رن بنائے۔ آسٹریلیا کی جانب سے ایڈم زمپا نے تیسری اور شان ایبٹ نے پہلی وکٹ حاصل کی۔