راجاوں کے کھیل ‘پولو’ کی کیا ہے کہانی؟ جانئے اس رپورٹ میں

تاریخ کے اوراق میں 03 ستمبر

ستمبر 03 کی تاریخ ملک و دنیا کی تاریخ میں کئی حوالوں سے اہمیت کی حامل ہے۔راجاوں کے کھیل کہے جانے والے ‘پولو’ لے لحاظ سے  یہ تاریخ میں سنہری حروف میں درج ہے۔ دنیا کا پہلا پولو میچ 03 ستمبر 1875 کو کھیلا گیا۔ ارجنٹینا اوپن پولو ٹورنامنٹ میں کھیلے گئیاس میچ کو پہلا آفیشل پولو میچ سمجھا جاتا ہے۔ پولو دنیا کا قدیم ترین ٹیم کھیل ہے۔ اس کی تاریخ 2000 سال سے زیادہ پرانی ہے۔

ہندوستان میں پولو کو جدید بنانے کا سہرا مغلوں کو جاتا ہے۔ برطانوی دور میں مشہور برطانوی کپتان رابرٹ اسٹیورٹ پولو کی انگریزی شکل لے کر آئے۔انڈین پولو ایسوسی ایشن ہندوستان میں 1892 میں قائم ہوئی تھی۔

اس کے علاوہ  03 ستمبر 2013 کو مائیکروسافٹ نے’نوکیا‘ کمپنی کو خریدنے کی وجہ سے بھی یہ تاریخ اہمیت کی حامل ہے۔ نوکیا ہندوستان میں ایک گھریلو نام بن گیا تھا۔ اس کے ’کی پیڈ‘فونز کی وسیع رینج کی وجہ سے بھارت میں نوکیا کے سامنے کوئی دوسری کمپنی ٹھہر نہیں سکی۔

نوکیا کی تاریخ 150 سال سے زیادہ پرانی ہے۔ 1865 میں، فریڈرک ایڈیسٹیم نے پیپر مل کمپنی کے طور پر فن لینڈ میں نوکیا کارپوریشن کا آغاز کیا۔ حالانکہ اس وقت کمپنی کو نوکیا کا نام نہیں ملا تھا۔ کچھ سالوں کے بعد، کمپنی نے اپنی دوسری شاخ نوکیا ناویرتا دریا کے قریب کھولی۔ خیال کیا جاتا ہے کہ دریا کے نام کی وجہ سے نوکیا کا نام نوکیا پڑ گیا۔