رونالڈو کے ساتھ ہمیشہ قریبی تعلقات رہیں گے : سانتوس

لوسیل، 8 دسمبر (انڈیا نیریٹو)

فیفا ورلڈ کپ 2022 کے آخری 16 میں سوئٹزرلینڈ کے خلاف 6-1 کی سنسنی خیز جیت کے بعد پرتگال کے منیجر فرنانڈو سانتوس نے کہا ہے کہ کرسٹیانو رونالڈو کے ساتھ ان کے مدعوں کو حلکر لیا گیا ہے اور ان کے اس اسٹار اسٹرائیکر کے ساتھ ہمیشہ قریبی تعلقات رہیں گے۔

21 سالہ گونکالو راموس کی ہیٹ ٹرک اور پیپے، رافیل گوئرئیرو اور رافیل لیو کے ایک ایک گول کی بدولت پرتگال نے سوئٹزرلینڈ کو 6-1 سے ہرا کر فیفا ورلڈ کپ کے کوارٹر فائنل تک رسائی حاصل کی۔

کرسٹیانو رونالڈو اس میچ میں نہیں کھیلے۔ جنوبی کوریا کے خلاف اپنی ٹیم کے پچھلے میچ کے دوران سبسٹی ٹیوٹ کئے جانے سے ناراض رونالڈو نے اس میچ میں نہ کھیلنے کا فیصلہ کیاتھا۔

اسکائی اسپورٹس نے سانتوس کے حوالے سے کہا گیا،”میرے خیال میں وہ مدعے (رونالڈو کے ساتھ) حل ہو گئے ہیں۔ میں اپنی گذشتہپریس کانفرنس سے اس بات کو دہراتا رہا ہوں کہ رونالڈو کے ساتھ تمام مسائل حل ہو گئے ہیں“۔

انہوں نے کہا ” ہمیں اس کھلاڑی کی تاریخ کو دیکھنا ہوگا، وہ اپنے گول اور کپتانی کے لحاظ سے دنیا کے بہترین کھلاڑیوں میں سے ایک ہے، اس لیے میں سمجھتا ہوں کہ ہمیں اجتماعی طور پر ٹیم کے بارے میں سوچنا ہوگا۔میرا اس کے ساتھ بہت ہی قریبی رشتہ ہے اور ہمیشہ رہے گا“۔

ان کا مزید کہنا تھا کہ ”ہم مینیجر اور کھلاڑی کے ساتھ انسانی اور ذاتی پہلو کی غلط انداز میں تشریح نہیں کرتے۔ میں ہمیشہ اپنے کردار پر غور کروں گا۔ رونالڈو ٹیم میں بہت ہی اہم کھلاڑی ہیں“۔