ویمنز ورلڈ کپ: آسٹریلیا نے فائنل میں انگلینڈ کو 71 رنوں سے شکست دے کر ریکارڈ 7ویں بار خطاب اپنے نام کر لیا

<p dir="RTL" style="text-align: justify;">
کرائسٹ چرچ، 03 اپریل (انڈیا نیرٹیو)</p>
<p dir="RTL" style="text-align: justify;">
آسٹریلیا کی خواتین کرکٹ ٹیم نے آئی سی سی ویمنز ورلڈ کپ 2022 کا ٹائٹل جیت لیا ہے۔ فائنل میں آسٹریلوی ٹیم نے دفاعی چمپئن انگلینڈ کو 71 رن سے شکست دی۔ اس کے ساتھ ہی آسٹریلیائی ٹیم ریکارڈ 7ویں مرتبہ چمپئن بن گئی۔</p>
<p dir="RTL" style="text-align: justify;">
نیوزی لینڈ کے شہر کرائسٹ چرچ میں کھیلے گئے ٹائٹل میچ میں ٹاس ہار کر پہلے بیٹنگ کرتے ہوئے آسٹریلیا نے 356 رن کا بڑا اسکور کھڑاکیا۔ آسٹریلیا کی جانب سے اوپنر ایلیسا ہیلی نے 138 گیندوں میں 170 رن بنائے۔ ان کے علاوہ ریچل ہینس نے 68 اور بیتھ مونی نے 62 رن بنائے۔</p>
<p dir="RTL" style="text-align: justify;">
جواب میں انگلینڈ کی پوری ٹیم 285 رن پر آل آؤٹ ہوگئی۔ انگلینڈ کی جانب سے نیٹلی سیور نے ناٹ آؤٹ  148 رن کی اننگ کھیلی۔ ان کے علاوہ کوئی بھی بلے باز 30 کا ہندسہ بھی عبور نہ کر سکا۔</p>
<p dir="RTL" style="text-align: justify;">
356 رن کے بڑے ہدف کے تعاقب میں انگلینڈ کی ٹیم کا آغاز اچھا نہیں تھا۔ انگلینڈ کو تیسرے اوور میں ہی بڑا جھٹکا لگا۔ شاندار فارم میں موجود اوپنر ڈینیئل وائٹ چار رن بنانے کے بعد آؤٹ ہوئیں۔ انہیں میگن شٹ نے بولڈ کیا۔ ٹیم نے یہاں تھوڑا سا سنبھلنے کی کوشش کی لیکن میگن نے ٹیمی بیومونٹ کو 38 رن پر آؤٹ کر کے انگلینڈ کو دوسرا جھٹکا دیا۔ ٹیمی بیومونٹ 27 رن بنانے کے بعد آؤٹ ہوئیں۔</p>
<p dir="RTL" style="text-align: justify;">
اس کے بعد انگلینڈ کی ایک اور وکٹ گر گئی۔ انگلینڈ کی کپتان ہیتھر نائٹ 26 رن بنا کر آؤٹ ہوئیں۔ انہیں الانا کنگ نے پویلین بھیجا۔ انگلینڈ کی چوتھی وکٹ ایمی جونز کی صورت میں گری۔ ایمی 20 کے سکور پر کیچ آؤٹ ہوئیں۔ اس دوران انگلینڈ کی بلے باز نیٹلی سیور نے شاندار بلے بازی کرتے ہوئے اپنی نصف سنچری مکمل کی اور ٹیم کا سکور 150 تک پہنچا دیا۔ تاہم دوسرے سرے سے وکٹیں گرتی رہیں۔ اس بار الانا کنگ نے صوفیہ ڈنکلے کو 23 رن پر بولڈ کرکے انگلینڈ کو پانچواں جھٹکا دیا۔ انگلینڈ کی چھٹی وکٹ بھی 191 رن کے اسکور پر گر گئی۔ اس کے بعد الانا کنگ نے کیتھرین برنٹ کو ایک رن پر آؤٹ کیا۔ انگلینڈ کی ساتویں وکٹ سوفی ایکلسٹون کی صورت میں گری۔ انہیں فاسٹ بولر تہلیا میک گرا نے آؤٹ کیا۔ سوفی صرف تین رن بنا سکیں۔</p>
<p dir="RTL" style="text-align: justify;">
اس دوران جب انگلینڈ کے دیگر بلے باز یکے بعد دیگرے آؤٹ ہو رہے تھے، اسی دوران نٹالی سکیور نے اپنی شاندار فارم کو برقرار رکھتے ہوئے اس ورلڈ کپ میں اپنی دوسری سنچری مکمل کی۔ شیور نے اس کے بعد بھی اپنی شاندار بلے بازی کا سلسلہ جاری رکھا لیکن دوسرے اینڈ سے گرنے والی وکٹ کی وجہ سے وہ ٹیم کو تاریخی فتح سے ہمکنار نہ کر سکیں۔ انگلینڈ کی پوری ٹیم 285 رن پر آل آؤٹ ہوگئی۔ شیوار نے ناٹ آؤٹ  148 رن بنائے۔</p>
<p dir="RTL" style="text-align: justify;">
آسٹریلیا کی جانب سے جیس جوناسن نے 3، الانا کنگ نے 3، میگن شٹ نے 2، تہلیا میک گراتھ نے 1، ایشلے گارڈنر نے 1 وکٹ حاصل کی۔</p>
<p dir="RTL" style="text-align: justify;">
<strong>آسٹریلیائی اننگ</strong></p>
<p dir="RTL" style="text-align: justify;">
اس سے قبل ٹاس ہار کر بیٹنگ کا فیصلہ کرنے والی آسٹریلیائی ٹیم نے اچھی شروعات کی۔ اوپنرز ریچل ہینس اور ایلیسا ہیلی نے شاندار بلے بازی کرتے ہوئے اپنی اپنی نصف سنچریاں مکمل کیں اور ٹیم کے اسکور کو 100 کے قریب پہنچا دیا۔ آسٹریلیا کی پہلی وکٹ ریچل ہینس کے طور پر گری۔ ریچل کو سوفی ایکلسٹون نے آؤٹ کیا۔ ریچل نے 68 رن بنائے۔ اس کے بعد شاندار فارم میں موجود ایلیسا نے اس ورلڈ کپ میں مسلسل دوسری سنچری اسکور کی۔ انہوں نے اس سے قبل ویسٹ انڈیز کے خلاف سیمی فائنل میں بھی سنچری بنائی تھی۔ اس کے بعد بھی ایلیسا نے شاندار بلے بازی کا سلسلہ جاری رکھا اور اپنے 150 رن مکمل کیے اور فائنل میں آسٹریلیائی ٹیم کا اسکور 300 رن سے تجاوز کر گیا۔ اس کے بعد الیسا 138 گیندوں پر 170 رن بنانے کے بعد اسٹمپ ہو گئیں۔ایلیسا کو آنیا شربسول نے آؤٹ کیا۔</p>
<p dir="RTL" style="text-align: justify;">
   اس کے بعد آسٹریلیا کا ایشلے گارڈنر کے طور پر تیسر ا وکٹ گرا۔ گارڈنر ایک رن بنا کر رن آؤٹ ہو گئیں۔48ویں اوور میں آسٹریلیا نے دو گیندوں میں لگاتار دو وکٹیں گنوائیں۔ آنیا شربسول نے اوور کی دوسری اور تیسری گیند پر میگ لیننگ اور بیتھ مونی کو پویلین بھیجا۔ لیننگ 10 اور مونی 62 رن بنا کر آؤٹ ہوئیں۔ اس طرح آسٹریلیا نے پانچ وکٹوں کے نقصان پر 356 رن بنائے۔ انگلینڈ کی جانب سے آنیا شروبسول نے 3، صوفی ایکلسٹن نے ایک وکٹ حاصل کی۔ </p>
<p dir="RTL" style="text-align: justify;">
<strong>ہندوستانی ٹیم آخری چار میں جگہ نہیں بنا سکی</strong></p>
<p dir="RTL" style="text-align: justify;">
ہندوستانی خواتین کرکٹ ٹیم آئی سی سی ویمنز ورلڈ کپ-2022 کے آخری چار میں جگہ بنانے سے محروم ہوگئی۔ ہندوستانی ٹیم کو آخری لیگ میچ میں جیت درکار تھی لیکن ہندوستانی ٹیم کو جنوبی افریقہ کے خلاف کھیلے گئے آخری لیگ میچ میں شکست کا سامنا کرنا پڑا۔   میچ میں بھارت نے جنوبی افریقہ کے سامنے 275 رن کا ہدف رکھا تھا جسے جنوبی افریقہ نے آخری گیند پر تین وکٹوں کے نقصان پر حاصل کر لیا۔</p>