تارک مہتا کا الٹا چشمہ کے اداکار سمے شاہ پرغنڈوں کا حملہ

<h3 style="text-align: center;">تارک مہتا کا الٹا چشمہ کے اداکار سمے شاہ پرغنڈوں کا حملہ</h3>
<p style="text-align: right;">سیریل تارک مہتا کا الٹا چشمہ میں گوگی کا کردار ادا کرنے والے اداکارسمے شاہ پر کچھ غنڈوں نے حملہ کیا تھا اور انہیں جان سے مارنے کی دھمکی دی۔ انہوں نے پولیس میں شکایت درج کرائی ہے۔ یہ واقعہ بوریوالی میں شاہ کی عمارت کے قریب پیش آیا۔ ان کی والدہ نے بتایا کہ یہ پہلا موقع نہیں جب انہوں نے کچھ اس طرح کا تجربہ کیا ہو۔ یہ واقعہ 27 اکتوبر کو ان کی بوریولی رہائش گاہ کے باہر پیش آیا۔</p>
<p style="text-align: right;">سمے شاہ کے فین کلب نے سی سی ٹی وی فوٹیج کو سوشل میڈیا پر شیئر کیا ہے۔ پولیس عمارت کی سی سی ٹی وی فوٹیج کی بنیاد پر تفتیش کررہی ہے۔ اسی دوران اداکار نے انسٹاگرام پر سی سی ٹی وی فوٹیج کی تصویر شیئر کی جس میں ایک بدمعاش نظر آرہا ہے۔ سمے شاہ نے لکھا ہے کہ دو دن پہلے یہ شخص میری عمارت میں آیا اور بغیر کسی وجہ کے اس نے مجھے گالیاں دینا شروع کردیں۔ مجھے نہیں معلوم وہ کون ہے۔ مجھے گالی دینے کے پیچھے کیا وجہ ہے؟ اس نے مجھے دھمکی دی کہ وہ مجھے جان سے مار دے گا۔ میں ان معلومات کو ان لوگوں کے ساتھ شیئر کر رہا ہوں جو مجھ سے پیار کرتے ہیں۔</p>
<p style="text-align: right;">انہوں نے کہا ہے کہ انہوں نے رات تقریباً ساڑھے آٹھ بجے شوٹنگ ختم کی اور اپنی عمارت پر پہنچے جب اچانک ایک شخص اس کے پاس آیا اور اس نے بلا وجہ گالیان دینی شروع کردیں۔</p>.