سپریم کورٹ نے سی بی ایس ای  فیس اضافے کی درخواست پر سماعت سے کیا  انکار

<h3 style="text-align: center;">سپریم کورٹ نے سی بی ایس ای  فیس اضافے کی درخواست پر سماعت سے کیا  انکار</h3>
<p style="text-align: right;">نئی دہلی ، 17 نومبر (انڈیا نیرٹیو)</p>
<p style="text-align: right;">عدالت عظمیٰ نے سی بی ایس ای کے ذریعہ دسویں اور بارہویں جماعت کے امتحانات کی فیسوں میں اضافے کو چیلنج کرنے والی عرضی پر سماعت سے انکار کردیا ۔ عدالت نے کہا کہ عدالت کیسے حکم دے سکتی ہے ، آپ مناسب اتھارٹی کے پاس جائیں۔</p>
<p style="text-align: right;">28 ستمبر کو دہلی ہائی کورٹ نے مرکز اور دہلی حکومت کو ہدایت کی تھی کہ وہ اس سیشن کے لیے دسویں اور بارہویں جماعت کے طلبا کے امتحانات فیس معاف کرنے کی درخواست پر غور کرے اور قانون کے مطابق فیصلہ کرے۔</p>
<p style="text-align: right;">این جی او سوشل سوشلسٹ کی جانب سے وکیل اشوک اگروال کے ذریعہ یہ درخواست سپریم کورٹ میں دائر کی گئی تھی۔ درخواست میں کہا گیا ہے کہ والدین کی آمدنی یا تو کورونا بحران اور لاک ڈاؤن کی وجہ سے ختم ہوگئی ہے ، یا اس میں کافی حد تک کمی واقع ہوئی ہے۔</p>
<p style="text-align: right;">والدین کو دو وقت کی روٹی میں بھی مشکلات کا سامنا کرنا پڑ رہا ہے۔ کورونا نے والدین کو شدید متاثر کیا ہے جو اپنے بچوں کو سرکاری اور نجی اسکولوں میں تعلیم حاصل کرنے بھیجتے ہیں۔ وہ پرائیویٹ اسکولوں کی فیس وصول کرنے سے بھی قاصر ہیں۔ سب سے خراب صورت حال والدین کی ہے جو اپنے بچوں کو سرکاری اسکولوں میں پڑھنے کے لیے بھیج رہے ہیں۔</p>.