فوجی سربراہ کا پیغام ، وادی کشمیر کے نوجوان تشدد کی راہ چھوڑ کر ایک بہتر مستقبل بنائیں

<p dir="RTL" style="text-align: justify;">
<strong>وادی کے نوجوانوں سے ملاقات میں کشمیریوں کے مسائل کے بارے میں معلومات حاصل کیں</strong></p>
<p dir="RTL" style="text-align: justify;">
آرمی چیف جنرل ایم ایم نرونےبھارت اور پاکستان کے مابین کنٹرول لائن پر 100 دن کے امن معاہدے کی تکمیل پر گزشتہ دو روز تک وادی کشمیر میں قیام پذیر رہے۔ انہوں نے فوج کی آپریشنل تیاریوں کا جائزہ لینے کے علاوہ وادی کے نوجوانوں سے بھی ملاقات کی۔</p>
<p dir="RTL" style="text-align: justify;">
آرمی چیف نے ان کو درپیش مشکلات کے علاوہ مختلف امور پر تبادلہ خیال کیا۔ انہوں نے نوجوانوں کو تشدد کی راہ چھوڑنے اور بہتر مستقبل کی تشکیل کا پیغام دیتے ہوئے کہا کہ ہم امن کے ساتھ مل کر ہی ترقی کر سکتے ہیں ، تب ہی ہم مل کر خوش حال ہوسکتے ہیں۔</p>
<p dir="RTL" style="text-align: justify;">
آرمی چیف جنرل نرونے نے جموں و کشمیر کے دو روزہ دورے کے دوران سری نگر میں نوجوانوں سے بات چیت کی۔ اس دوران انہوں نے اس وقت کشمیریوں کے مسائل اور ان کو درپیش مختلف امور پر تبادلہ خیال کیا۔ آرمی چیف سے بات چیت کے دوران ، نوجوان وادی کشمیر میں تشدد کی فضا کو ختم کرنے کے لیے بے چین نظر آئے۔</p>
<p dir="RTL" style="text-align: justify;">
 جنرل نرونے کی توجہ کشمیر میں دیرپا اور پائیدار امن کو یقینی بنانے ، معاشرے کی مجموعی بہتری کے لیے بامقصد طریقے سے نوجوانوں کو شامل کرنے کے جامع عمل کی طرف مبذول کرائی گئی۔ آرمی چیف نے انہیں یقین دلایا کہ بھارتی فوج سول انتظامیہ کے ساتھ مل کر نوجوانوں کو روزگار کے شعبوں میں شامل کرنے اور تشدد کی راہ سے دور رہنے میں ان کی مدد کے لیے انتھک کوشش کر رہی ہے۔</p>
<p dir="RTL" style="text-align: justify;">
جنرل نر و نے نے کہا کہ مرکزی خطے میں دہشت گردی کے واقعات میں کمی واقع ہوئی ہے۔ پتھراؤ کے واقعات بھی کم ہوئےہیں۔ اس سے جموں و کشمیر میں معمول کی واپسی کا اشارہ ملتا ہے۔ لوگ بھی یہی چاہتے ہیں اور یہ ایک اچھی چیز ہے۔ ہم وادی کشمیر میں معمول کو واپس لانے کے لیے مکمل طور پر تیار ہیں۔</p>
<p dir="RTL" style="text-align: justify;">
 ان کا مزید کہنا تھا کہ طویل عرصے کے بعد ، ہم اس پوزیشن پر پہنچ گئے ہیں جہاں امن کی گنجائش موجود ہے۔ آرمی چیف نے نوجوانوں کو پیغام دیتے ہوئے کہا کہ امن کے بغیر ہم ترقی نہیں کرسکتے ، لہذا نوجوانوں کو چاہیے کہ وہ تشدد کا یہ راستہ چھوڑیں اور بہتر مستقبل بنائیں، تب ہی ہم مل کر خوش حال ہوسکتے ہیں۔</p>
<p dir="RTL" style="text-align: justify;">
فوج اور سیکیورٹی فورسز کے ساتھ وادی کشمیر میں دہشت گردوں کی ہلاکتوں کے اعدادوشمار بھی  بتاتے  ہیں کہ پچھلے دو سالوں میں دہشت گردوں اور دراندازیوں کے خلاف زبردست کارروائی کی گئی ہے۔ 2019 میں ، 158 دہشت گرد مارے گئے جب کہ 2020 میں یہ تعداد 221 ہوگئی۔ یہی وجہ ہے کہ دہشت گردی کے واقعات میں کمی آئی ہے۔ پچھلے سال 2020 میں ، یکم جون تک 60 دہشت گرد مارے گئے تھے جب کہ اس سال یکم جون تک 48 دہشت گرد مارے جاچکے ہیں یعنی دراندازی کی کوششیں کم ہوچکی ہیں۔ اسی طرح دہشت گرد تنظیموں میں نوجوانوں کی بھرتی کے اعداد و شمار بتاتے ہیں کہ 2019 میں 119 نوجوان دہشت گرد گروہوں میں شامل ہوئے تھے جبکہ 2020 میں یہ تعداد 166 تک پہنچ گئی۔ جب فوج نے وادی میں دہشت گرد تنظیموں میں شامل ہونے والے نوجوانوں کے خلاف مہم شروع کی تھی تو یکم مئی 2021 تک صرف 38 نوجوان  بھٹک کردہشت گردوں کے پاس پہنچ چکے ہیں ، جب کہ 2020 میں یکم مئی تک 49 نوجوان دہشت گرد تنظیموں میں شامل ہوئے تھے۔</p>