افغانستان میں حکومت کی تبدیلی کے بعدسے 700,000 ملازمتیں ختم ہوئیں:اقوام متحدہ

 اقوام متحدہ۔  یکم مارچ

اقوام متحدہ کے نائب خصوصی نمائندے رمیز الکبروف نے منگل کو ایک پریس کانفرنس میں کہا کہ افغانستان کی مجموعی آمدنی میں 35 فیصد کمی آئی ہے اور گزشتہ 18 ماہ کے دوران تقریباً 700,000 افراد اپنی ملازمتوں سے ہاتھ دھو بیٹھے ہیں۔

مسٹر الکباروف نے مزید کہا کہ 65 فیصد لوگوں کو انسانی امداد کی ضرورت ہے، اور لاکھوں لوگ افغانستان میں تباہ کن فاقہ کشی کے دہانے پر ہیں۔افغانستان میں اقوام متحدہ کے ایک اعلیٰ عہدے دار نے کہا ہے کہ اشیائے ضروریہ کی قیمتوں میں 30 فیصد اضافہ ہوا ہے اور عام لوگوں کی آمدنی کا تین چوتھائی حصہ صرف خوراک پر جاتا ہے۔

مزید برآں، انہوں نے اس بات پر روشنی ڈالی کہ اس وقت افغانستان میں 28.3 ملین افراد کو انسانی امداد کی اشد ضرورت ہے، اور 60 لاکھ افراد غذائی قلت کے دہانے پر ہیں۔ترکی اور شام میں آنے والے تباہ کن زلزلوں کے علاوہ 2023 میں افغانستان کی صورتحال کو دنیا کا سب سے بڑا انسانی بحران تصور کیا جا رہا ہے اور قدرتی آفات نے لوگوں کی مشکلات میں بھی اضافہ کر دیا ہے۔

مسٹر الکباروف نے 2022 میں سیلاب اور زلزلے سمیت قدرتی آفات کو افغانستان میں بے مثال قرار دیا اور کہا کہ قدرتی آفات 2023 میں بھی لوگوں کو بری طرح متاثر کر سکتی ہیں۔اقوام متحدہ نے بارہا امیر ممالک سے مطالبہ کیا ہے کہ وہ دل کھول کر عطیہ کریں اور دنیا بھر میں ضرورت مند لوگوں کے لیے زندگی بچانے کی خدمات پیش کرنے میں اس تنظیم کی مدد کریں۔

الاکبروف نے کہا،افغانستان کے لیے بجٹ کی درخواست عالمی انسانی امداد کے لیے کل فنڈ کا صرف 9 فیصد ہے، اور درخواست کی جاتی ہے کہ جنگ زدہ ملک میں موجودہ انسانی بحران کی وجہ سے افغان عوام پر خصوصی توجہ دی جائے۔