افغانستان: شہریوں نے طالبان سے لڑنے کے لیے ہتھیار اٹھائے

<p dir="RTL" style="text-align: justify;">
کابل، یکم جولائی (انڈیا نیرٹیو)</p>
<p dir="RTL" style="text-align: justify;">
امریکی افواج کے انخلا کے بعد افغانستان میں طالبان کے بڑھتے ہوئے اثر و رسوخ کے درمیان، شہریوں نے دہشت گرد گروہ کے ساتھ لڑائی میں سبقت حاصل کرلی ہے۔ افغان دارالحکومت کابل کے آس پاس کئی علاقوں پر طالبان مسلسل قبضہ کر رہے ہیں یا ان پر قبضہ کرنے کی کوشش کر رہے ہیں۔ اس میں سیکڑوں افراد کی موت بھی ہوچکی ہے۔</p>
<p dir="RTL" style="text-align: justify;">
اب افغانستان کے شہریوں نے طالبان دہشت گردوں کے خلاف ہتھیار اٹھا لئے ہیں۔ شہریوں کا کہنا ہے کہ یہ طالبان کے لئے انتباہ ہے۔ اگر وہ حملہ کرتا ہے تو ہم اسے مناسب جواب دیں گے اور خاموش نہیں رہیں گے۔</p>
<p dir="RTL" style="text-align: justify;">
کابل کے شمال میں، صوبہ پروان سے تعلق رکھنے والے 55 سالہ دوست محمد سالنگی نے کہا کہ اگر وہ ہم پر حملہ کریں یا ہماری خواتین کو ہراساں کریں اور جائیداد ضبط کریں تو ہم خاموش نہیں رہیں گے۔ ان کے خلاف جدوجہد میں، ہمارا سات سال تک کا بچہ بھی اسلحہ اٹھا کر ان کے خلاف کھڑا ہوگا۔</p>
<p dir="RTL" style="text-align: justify;">
سلنگی نے سیکڑوں شہریوں کے ساتھ طالبان کے خلاف اسلحہ اٹھانے کا فیصلہ کیا ہے۔ یہ جنگجو افغان فوج کی مدد کریں گے۔ امریکہ نے افغانستان سے اپنی فوجیں واپس بلانے کا فیصلہ کیا ہے۔ امریکی فوجیوں کے انخلا کے پیش نظر، طالبان ایک بار پھر متحرک ہوگئے ہیں۔ پروان کے طالب علم فرید محمد نے بتایا کہ ہمیں اپنا ملک بچانا ہے۔ غیر ملکی فوجیں روانہ ہو رہی ہیں۔ تو ہمارے پاس اب کوئی دوسرا آپشن نہیں بچا ہے۔</p>
<p dir="RTL" style="text-align: justify;">
امریکی صدر جو بائیڈن اور نیٹو ممالک نے رواں سال اپریل میں اعلان کیا تھا کہ وہ ستمبر 2021 تک افغانستان سے اپنی فوجیں واپس بلا لیں گے۔ یہ واپسی 11 ستمبر تک مکمل ہونا ہے۔ اس دن امریکہ کے ورلڈ ٹریڈ سینٹر پر دہشت گردوں کے حملے کے 20 سال پورے ہوجائیں گے۔ اس حملے کے بعد ہی، امریکہ اور اس کے اتحادیوں کے تقریبا 1.5 ڈیڑھ لاکھ فوجی افغانستان بھیجے گئے تھے۔ افغانستان میں تعینات اقوام متحدہ کے ایک سفارت کار نے گذشتہ ہفتے کہا تھا کہ طالبان نے ملک کے 370 اضلاع میں سے 50 پر قبضہ کرلیا ہے۔</p>