ویلنگٹن،25 جنوری (انڈیا نیریٹو)
کرس ہپکنس نے بدھ کو نیوزی لینڈ کے نئے وزیر اعظم کے طور پر حلف اٹھایا۔ انہوں نے ماضی میں مستعفی ہونے والی جیسنڈا ارڈرن کی جگہ لی ہے۔ ان کے ساتھ کارمیل سیپولونی کو ملک کے نائب وزیر اعظم کی ذمہ داری دی گئی ہے۔
نیوزی لینڈ کی وزیراعظم رہیں جیسنڈا ارڈرن نے حال ہی میں وزیراعظم کا عہدہ چھوڑنے کا اعلان کر کے دنیا کو حیران کر دیا تھا۔ انہوں نے کہا تھا کہ وہ وزیراعظم کے عہدے کے ساتھ انصاف نہیں کر پارہی ہیں۔ جیسنڈا کی جگہ کرس ہپکنس کو ملک کا نیا وزیراعظم منتخب کیا گیا۔ بدھ کو اقتدار کی منتقلی کا عمل بھی مکمل کر لیا گیا۔
جیسنڈا ارڈرن بدھ کی صبح بطور وزیراعظم آخری بار پارلیمنٹ پہنچیں اور اپنے عہدے سے مستعفی ہونے کا اعلان کیا۔ ان کے استعفیٰ کے بعد کرس ہپکنس باضابطہ طور پر نیوزی لینڈ کے وزیراعظم منتخب ہو گئے۔
وزیراعظم منتخب ہونے کے بعد کرس ہپکنس نے ملک کے 41ویں وزیر اعظم کے طور پر حلف اٹھایا۔ ان کے ساتھ ہی کارمیلو سیپولونی نے نائب وزیر اعظم کے طور پر حلف لیا۔ عہدہ سنبھالنے کے بعد، ہپکنس نے بڑھتی ہوئی مہنگائی سے نمٹنا اولین ترجیح بتایا ہے۔ ہپکنس پہلی بار 2008 میں نیوزی لینڈ کی پارلیمنٹ کے لیے منتخب ہوئے تھے۔ سال 2020 میں کورونا کے دور میں انہیں بطور وزیر کورونا سے نمٹنے کی ذمہ داری سونپی گئی تھی۔
رجنی کانت کی ’جیلر‘ جمعرات کو ریلیز ہوئی۔ فلم کو پہلے دن سینما گھروں میں…
مضمون نگار: زبیر قریشی میری ماٹی، میرا دیش مہم نے وسطی کشمیر کے گاندربل ضلع…
جموں و کشمیر کی یونین ٹیریٹری میں تنظیم نو کے بعد ہونے والی اہم تبدیلیوں…
شمالی کشمیر کے ضلع بانڈی پورہ سے تعلق رکھنا والا محمد مقبول ڈار نامی قالین…
زعفران کی جی آئی ٹیگنگ کے بعد، کسانوں نے اس کی پیداوار میں اضافہ کیا…
سری نگر میں، لال چوک پر نئے تجدید شدہ تاریخی کلاک ٹاور ایک خوشگوار حیرت…