ترکی میں زلزلے سے تباہی، شام میں ملبے سے اب تک 28,192 لاشیں برآمد

انقرہ/دمشق، 12 فروری

 ترکی اور شام میں سات روز قبل آنے والے تباہ کن زلزلے کے بعد بڑے پیمانے پر راحت اور بچاؤ کی کارروائیاں جاری ہیں۔ اب تک ملبے سے 28,192 لاشیں نکالی جا چکی ہیں۔

ترکی کے نائب صدر فوات اوکٹے نے کہا کہ ترکی میں ہلاکتوں کی تعداد 24,617 تک پہنچ گئی ہے۔ وائٹ ہیلمٹس سول ڈیفنس گروپ کے مطابق شام کے شمال مغرب میں باغیوں کے زیر قبضہ علاقوں اور دیگر مقامات سے 3,575 لاشیں برآمد ہوئی ہیں۔

ادھر ترکی میں زلزلے کے بعد لاپتہ ہونے والا ہندوستانی شہری مالٹا میں ایک ہوٹل کے ملبے تلے مردہ پایا گیا ہے۔ ترکی میں ہندوستانی سفارت خانے نے ہفتہ کو ایک ٹویٹ میں یہ اطلاع دی۔ مرنے والے کی شناخت وجے کمار کے طور پر کی گئی ہے۔ وہ تجارتی دورے پر ترکی آئے تھے۔

وزارت خارجہ میں سکریٹری (مغرب) سنجے ورما نے ‘آپریشن دوست’ پر ایک میڈیا بریفنگ میں کہا کہ ہم بنگلورو میں ان کے خاندان اور کمپنی کے ساتھ رابطے میں ہیں۔ انہوں نے کہا کہ 10 افراد ایسے ہیں جو متاثرہ علاقے کے کچھ حصوں میں پھنسے ہوئے ہیں تاہم وہ محفوظ ہیں۔