سابق صدر ٹرمپ دوبارہ وائٹ ہاؤس جانے کے لیے بے چین، لڑیں گے الیکشن

پام بیچ (فلوریڈا)، 16 نومبر (انڈیا نیریٹو)

سابق امریکی صدر ڈونالڈ ٹرمپ نے منگل کو 2024 کے صدارتی انتخابات کے لیے باضابطہ طور پر دستاویزات جمع کرا دیئے۔ اس دوران ٹرمپ نے فلوریڈا کے ایک ریزورٹ میں اپنے حامیوں کا استقبال کیا۔ انہوں نے حامیوں سے کہا کہ اب امریکہ کی واپسی شروع ہو رہی ہے۔

وسط مدتی انتخابات میں مایوس کن شکست کے بعد ٹرمپ اب وائٹ ہاؤس کے لیے اپنی تیسری مہم شروع کرنے کی تیاری کر رہے ہیں۔ ٹرمپ کو امید تھی کہ وہ وسط مدتی انتخابات کے نتائج کا استعمال اپنی پارٹی کے پرچہ نامزدگی کے لیے کر سکتے ہیں۔

ڈونلڈ ٹرمپ نے وائٹ ہاؤس کی امیدواری کے کاغذات امریکی الیکشن اتھارٹی کے پاس جمع کرا دیے ہیں۔ 2024 میں پارٹی کی نامزدگی کے ممکنہ دعویدار فلوریڈا کے گورنر رون ڈی سانٹس اور سابق نائب صدر مائیک پینس ہوسکتے ہیں۔ ٹرمپ کو 435 نشستوں والے ایوان نمائندگان میں اکثریت حاصل کرنا ہوگی۔

وسط مدتی انتخابات کے مایوس کن نتائج کے بعد ٹرمپ پر الزام لگایا جا رہا ہے کہ ان کی حمایت کی وجہ سے ہی ریپبلکن امیدوار الیکشن ہار گئے۔ دریں اثنا، ٹرمپ نے 15 نومبر کو اپنے سوشل میڈیا اکاؤنٹ پر اعلان کیا تھا کہ امید ہے کہ 16 نومبر ہمارے ملک کی تاریخ کے اہم ترین دنوں میں سے ایک ہو گا۔

ٹرمپ کے لیے یہ انتخاب بہت مشکل ثابت ہو سکتا ہے کیونکہ ان کا دو بار صدر کے طور پر مواخذہ ہو چکا ہے۔ گروور کلیولینڈ امریکہ کی تاریخ میں واحد صدر تھے جنہوں نے صدارت سے دستبرداری کے بعد 1884 اور 1892 میں دوبارہ صدر کا عہدہ سنبھالا۔