کینیڈا میں گھرمیں آتشزدگی،7پاکستانی جاں بحق

<p dir="RTL" style="text-align: justify;">
ٹورنٹو،03جولائی (انڈیا نیرٹیو)</p>
<p dir="RTL" style="text-align: justify;">
کینیڈا کے صوبے البرٹا میں گھر میں آگ لگنے سے 4 بچوں اور خواتین سمیت 7 پاکستانی جاں بحق ہوگئے۔بین الاقوامی میڈیا کے مطابق کینیڈا کے شہر چیسٹر میئر میں گھر میں آگ لگنے کا واقعہ رات کے وقت پیش آیا جب سب سو رہے تھے۔میڈیا رپورٹس کے مطابق ا?گ لگنے کے بعد گھر کا ایک فرد آنکھ کھلنے پر ڈیڑھ سالہ بچے سمیت چار بچوں کو بچانے میں کامیاب ہوگیا۔</p>
<p dir="RTL" style="text-align: justify;">
پولیس کے مطابق آگ لگنے کی وجہ تاحال معلوم نہیں ہوسکی جبکہ تحقیقات جاری ہیں۔ پولیس نے بتایا جاں بحق ہونے والے خاندان کا تعلق پاکستان سے ہے جبکہ ابتدائی طور پر معلوم ہوا ہے کہ یہ واقعہ کسی مجرمانہ فعل کا نتیجہ نہیں ہے۔بین الاقوامی میڈیا رپورٹس کے مطابق آتشزدگی میں جاں بحق ہونے والے خاندان کا تعلق پاکستان کے شہر کراچی سے ہے۔</p>
<p dir="RTL" style="text-align: justify;">
جاں بحق ہونے والے افراد میں سے دو کی شناخت رافعہ راشد اور امجد کمال کے نام سے ہوئی ہے۔دوسری جانب واقعے میں جاں بحق ہونے والے دیگر افراد میں 4 بچے اور ایک خاتون بھی شامل ہے۔پولیس نے بتایا کہ آتشزدگی کے واقعے میں 5 افراد محفوظ رہے جن میں 4 بچے شامل ہیں۔</p>
<p dir="RTL" style="text-align: justify;">
<strong>کینیڈا میں گرمی کی شدت سے 719 افراد ہلاک</strong></p>
<p dir="RTL" style="text-align: justify;">
کینیڈا کے صوبے برٹش کولمبیا میں گرمی کی شدید لہر برقرار ہے، ایک ہفتے کے دوران گرمی سے ہلاک افراد کی تعداد 719 ہوگئی۔خبر ایجنسی کے مطابق برٹش کولمبیا میں گرمی کی شدت سے جمعہ سے اب تک 719 اچانک اموات رپورٹ ہوچکی ہیں۔ اس کے علاوہ امریکا کی 2 ریاستوں میں غیر معمولی گرمی کی لہر کے باعث ہلاک ہونے والے افراد کی تعداد 100 تک پہنچ گئی۔امریکی ریاست اوریگن میں گرمی کی شدت کی وجہ سے جمعہ سے اب تک 63 اور ریاست واشنگٹن میں 20 اموات ہوئی ہیں۔دیگر اموات ریاست واشنگٹن میں ہوئی ہیں جہاں منگل کو درجہ حرارت 48 ڈگری سینٹی گریڈ ریکارڈ کیا گیا۔ماہرین نے شدید گرمی کی لہر کی وجہ موسمیاتی تبدیلی کو قرار دیا ہے۔</p>