چین پانی کوبطورہتھیارکیسے کررہاہےاستعمال؟ماہرین کیا کہتے ہیں؟

 بیجنگ، 2؍ فروری

ایک ماہر نے چین کی طرف سے لائن آف ایکچوئل کنٹرول (ایل اے سی) کے قریب دریائے یرلنگ زنگ بور کے نچلے حصے پر سپر ڈیم بنانے کے منصوبے پر تشویش کا اظہار کرتے ہوئے کہا ہے کہ بیجنگ پانی کو کنٹرول کرنا چاہتا ہے اور اسے بھارت کے خلاف ہتھیار کے طور پر استعمال کرنا چاہتا ہے۔

  تبت کے خود مختار علاقے میں شروع ہونے والا، یارلنگ زانگبو دریا بھارت میں اروناچل پردیش میں بہتا ہے جہاں اسے “سیانگ” کہا جاتا ہے اور پھر بنگلہ دیش میں بہنے سے پہلے “برہم پترا” کے نام سے آسام ریاست میں داخل ہوتا ہے۔

  چین کے دریا پر سپر ڈیم کے منصوبے کے شمال مشرقی ہندوستان کی آبی سلامتی پر دور رس اثرات مرتب ہوں گے۔ سپر ڈیم کی پن بجلی کی صلاحیت وسطی چین کے تھری گورجز ڈیم سے تین گنا زیادہ ہونے کا امکان ہے، جو 2012 کے بعد سے نصب شدہ صلاحیت کے لحاظ سے دنیا کا سب سے بڑا پاور سٹیشن ہے۔

  سپر ڈیم کا منصوبہ ملک کے 14ویں پانچ سالہ منصوبے (2021-25)کے لیے تجاویز کے دوران پیش کیا گیا تھا، جب کہ اس کے 2035 تک کے طویل مدتی اہداف حکمران چینی کمیونسٹ پارٹی (سی سی پی) کی مرکزی کمیٹی نے بنائے تھے۔  مبینہ طور پر یہ ڈیم سالانہ 300 بلین کلو واٹ صاف، قابل تجدید اور صفر کاربن بجلی فراہم کر سکتا ہے۔

 لداخ میں بڑے پیمانے پر کام کرنے والے ایک مشہور ہائیڈروجیولوجسٹ رتیش آریہ نے سپوتنک کو بتایا،چین کو بین الاقوامی سرحدی ندیوں کے معاملے میں ہندوستان پر ایک اسٹریٹجک برتری حاصل ہے۔ آریہ نے مزید کہا، ڈیم بنا کر وہ کہتے ہیں کہ وہ اس پانی کو بجلی پیدا کرنے اور زمین کو سیراب کرنے کے لیے استعمال کر رہے ہیں۔