ہندوستان-آسٹریلیا تعلقات باہمی اعتماد اورباہمی احترام پر مبنی ہیں: وزیر اعظم مودی

وزیر اعظم نریندر مودی نے منگل کو کہا کہ ہندوستان اور آسٹریلیا کے تعلقات باہمی اعتماد اور باہمی احترام پر مبنی ہیں۔ انہوں نے یہ بات سڈنی کے کڈوس بینک ایرینا میں منعقدہ پروگرام میں پرواسی بھارتیہ سے خطاب کرتے ہوئے کہی۔

اس دوران وزیر اعظم مودی نے کہا کہ یہاں آکر بیرون ملک مقیم ہندوستانیوں سے جڑنا بہت خوشی کی بات ہے۔ اپنے خطاب کے دوران وزیراعظم نے کمیونٹی تقریب میں شرکت پر آسٹریلوی وزیراعظم انتھونی البانیز کا بھی شکریہ ادا کیا۔

اپنے 2014 کے دورے کو یاد کرتے ہوئے، وزیر اعظم مودی نے کہا، ’’جب میں 2014 میں یہاں آیا تھا، میں نے آپ سے وعدہ کیا تھا کہ آپ کو ہندوستانی وزیر اعظم کے لیے 28 سال تک انتظار نہیں کرنا پڑے گا۔ تو، میں ایک بار پھر یہاں آیا ہوں۔ انہوں نے کہا کہ ہندوستان اور آسٹریلیا کے تعلقات باہمی اعتماد اورباہمی احترام پر مبنی ہیں۔

اپنے خطاب میں وزیر اعظم مودی نے کہا کہ پہلے کہا گیا  کہ ہندوستان اور آسٹریلیا کے تعلقات  کوتھری سی ڈیفائن کرتے ہیں۔لیکن ان تمام تعلقات  کی  سب سے بڑی بنیاد باہمی اعتماد اور باہمی احترام ہے۔ ہمارے درمیان جغرافیائی فاصلہ ضرور ہے ، لیکن بحرہند ہمیں آپ سے جوڑتا ہے۔

وزیراعظم مودی نے سڈنی کے ایک گیٹ وے ’لٹل انڈیا‘کے لئے سنگ بنیاد کی نقاب کشائی کی جومغربی سڈنی کے پرامٹا کے ہیرس پارک میں تعمیر کیا جائے گا۔