ہندوستان۔بنگلہ دیش  کے ساتھ تعلقات ’سنہرے باب‘ سے گزر رہے ہیں

بنگلہ دیش کے وزیر خارجہ نے  جی 20 میں مدعو کرنے پر نئی دہلی کا شکریہ ادا کیا

ڈھاکہ،30؍ جنوری

بنگلہ دیش بھارت کے ساتھ اپنے تعلقات کے حوالے سے ایک “سنہری باب” سے گزر رہا ہے۔ بنگلہ دیش  کے  وزیر خارجہ اے کے عبدالمومن نے کہا کہ دونوں ممالک کے درمیان تجارتی تعلقات بھی عروج پر ہیں۔

ایک تقریب سے خطاب کرتے ہوئے مومن نے کہا: ’’آپ کو یہ جان کر خوشی ہوگی کہ ہم نے ہندوستان کے ساتھ بہت اچھے تعلقات استوار کیے ہیں۔‘‘انہوں نے جی20 کے تمام اجلاسوں اور سربراہی اجلاس میں ملک کو مدعو کرکے بنگلہ دیش کا احترام کرنے پر ہندوستانی حکومت کا شکریہ بھی ادا کیا۔مومن جی 20 وزرائے خارجہ کے اجلاس میں شرکت کے لیے ہندوستان کا دورہ کریں گے جو یکم اور 2 مارچ کو ملک کے دارالحکومت نئی دہلی میں منعقد ہونے والی ہے۔

مومن نے کہا کہ بنگلہ دیش “طاقتور ممالک – ہندوستان، امریکہ اور چین کے ساتھ متوازن خارجہ پالیسی برقرار رکھے گا۔انہوں نے کہا کہ میرا چیلنج یہ ہے کہ مجھے ان تینوں ممالک کے ساتھ تعلقات کو اس طرح برقرار رکھنا ہے تاکہ ہم ہر ملک کے ساتھ بہتر تعلقات قائم کر سکیں۔

بنگلہ دیش کے وزیر خارجہ نے کہا کہ ان کے ملک کو “ہندوستان اور چین کے ساتھ توازن برقرار رکھتے ہوئے آگے بڑھنے کی ضرورت ہے۔”بنگلہ دیش کی وزیر اعظم شیخ حسینہ کی تعریف کرتے ہوئے، مومن نے کہا کہ یہ “عظیم اور عملی رہنما” کی وجہ سے ہے کہ ملک “تمام بڑی طاقتوں کے ساتھ یکساں طور پر اچھے تعلقات کا انتظام کرنے میں خوش قسمت ہے”۔