ہندوستان نے ترکیہ اور شام میں تباہ کن زلزلے کے امداد میں کیا اضافہ

فوج نے 30 بستروں پر مشتمل فیلڈ اسپتال بھیجا

نئی دہلی،8؍ فروری

ترکی اور شام میں آنے والے تباہ کن زلزلے سے مرنے والوں کی تعداد8ہزار سے تجاوز کر گئی ہے، ہندوستان نے زلزلے سے متاثرہ دو ممالک کے لیے اپنی امداد میں اضافہ کر دیا ہے۔آرمی نے منگل کو ایک آرمی فیلڈ ہسپتال-جو کہ ایک موبائل میڈیکل یونٹ ہے – کے ساتھ 99 فوجیوں اور سامان کے ساتھ ترکی کے دارالحکومت انقرہ میں آکسیجن پیدا کرنے والے پلانٹس بھیجا ہے۔

یہ اس وقت ہے جب ہندوستانی فضائیہ کے ایک سی۔17نے نیشنل ڈیزاسٹر ریلیف فورس کے 100 ارکان اور خوراک اور طبی سامان کے علاوہ کھدائی کا سامان اٹھایا اور منگل کی صبح ترکی کے لیے روانہ ہوا۔

این ڈی آر ایف کے دستے میں خصوصی سرچ اور ریسکیو کینائنز بھی شامل ہیں۔ذرائع نے بتایا کہ ہندوستان شام کے دارالحکومت دمشق کو طبی سامان سے بھرا ایک سی۔130جےطیارہ بھی بھیج رہا ہے۔دفاعی اسٹیبلشمنٹ کے ذرائع نے بتایا کہ فوج کے آگرہ میں واقع آرمی فیلڈ اسپتال نے 30 بستروں پر مشتمل طبی سہولت قائم کرکے ترکی میں متاثرہ لوگوں کی مدد کے لیے 99 رکنی طبی ٹیم کو متحرک کیا۔میڈیکل ٹیم میں آرتھوپیڈک سرجیکل ٹیم، جنرل سرجیکل اسپیشلسٹ ٹیم، میڈیکل اسپیشلسٹ ٹیموں سمیت اہم نگہداشت کی ماہر ٹیمیں شامل ہیں۔

ذرائع نے بتایا کہ ٹیمیں ایکسرے مشینیں، وینٹی لیٹرز، آکسیجن جنریشن پلانٹ، کارڈیک مانیٹر اور آلات سے لیس ہیں۔قابل ذکر بات یہ ہے سی۔17نے بحیرہ عرب کے اوپر سے زیادہ گردشی راستہ اختیار کیا اور براہ راست پاکستان کے اوپر سے پرواز نہیں کی کیونکہ یہ ایک فوجی طیارہ ہے۔ذرائع نے بتایا کہ این ڈی آر ایف کے اہلکاروں اور آلات کے ساتھ ایک اور طیارہ ترکی روانہ کیا جائے گا۔