میلنڈا کی بل گیٹس سے طلاق اور ان سے تعلقات پر پہلی مرتبہ لب کشائی

<p dir="RTL" style="text-align: justify;">
نیویارک،04مارچ(انڈیا نیرٹیو)</p>
<p dir="RTL" style="text-align: justify;">
مائیکرو سافٹ کے کو فاؤنڈر اور دنیا کے امیر ترین افراد میں سے ایک بل گیٹس نے اپنی اہلیہ میلنڈا گیٹس سے شادی کے 27 سال بعد مئی 2021 میں علیحدگی کا فیصلہ کیا۔علیحدگی کے تعلق سے میلنڈا گیٹس نے پہلی بار کچھ وجوہات کا ذکر کیا اور انہوں نے بل گیٹس کے ماورائے ازدواجی تعلقات کے بارے میں بھی بات کی۔انہوں نے کہا کہ ایک وقت کے بعدان کے تعلقات میں کچھ بھی نہیں بچا تھا جہاں وہ ایک شادی شدہ جوڑے کے طور پر ایک ساتھ زندگی گزار سکتے تھے۔</p>
<p dir="RTL" style="text-align: justify;">
میلنڈا نے کہا کہ صرف ازدواجی تعلقات واحد وجہ نہیں تھی بلکہ ایک وقت ایسا آیا جب دونوں کے درمیان کچھ نہیں رہا اور انہیں لگا کہ یہ ٹھیک نہیں ہے۔ اس کے بعد دونوں کے درمیان جو کچھ ہوا انہیں یقین نہیں آرہا تھا۔میلنڈا نے بتایا کہ جب وہ بل سے الگ ہوئیں تو وہ کئی دنوں تک بہت روتی رہیں۔ ان کی زندگی میں کئی ایسے مواقع آئے جب ان کی شادی ٹوٹنے پر وہ بہت ناراض ہوئیں۔انہوں نے مزید کہا کہ یہ ان کے ماتم کا وقت تھا۔ انہوں نے کہا کہ جب آپ کوئی ایسی چیز کھو دیتے ہیں جس کے بارے میں آپ سوچتے ہیں کہ آپ کی ساری زندگی آپ کے ساتھ رہے گی تو آپ غمگین ہوتے ہیں۔</p>
<p dir="RTL" style="text-align: justify;">
میلنڈا نے بتایا کہ اب وہ اس درد سے نکل کر زندگی میں آگے بڑھ رہی ہیں۔ انہوں نے بتایا کہ انہیں لگتا ہے کہ اب وہ زندگی کا دوسرا رخ دیکھنے کی کوشش کر رہی ہیں اور اب صحت یاب ہو رہی ہیں۔انہوں نے کہا کہ لگتا ہے کہ وہ اپنی زندگی کے باب میں ایک نیا صفحہ بدل رہی ہیں۔ انہوں نے کہا کہ ان کا مطلب ہے کہ اب ہم سال 2022 میں داخل ہو چکے ہیں اور وہ بہت پرجوش ہیں کہ ان کی زندگی میں آگے کیا ہونے والا ہے۔</p>
<p dir="RTL" style="text-align: justify;">
مئی 2021 میں بل اور میلنڈا نے اپنی طلاق کا اعلان کرتے ہوئے کہا کہ کافی غور کرنے کے بعد دونوں نے اپنی شادی ختم کرنے کا فیصلہ کیا ہے۔ لیکن ساتھ ہی دونوں نے یہ بھی کہا تھا کہ وہ اپنی خیراتی فاؤنڈیشن بل اور میلنڈا گیٹس فاؤنڈیشن میں مل کر کام کرتے رہیں گے۔سوشل میڈیا پر شیئر کیے گئے ان کے بیان میں لکھا گیا،”گزشتہ 27 سالوں میں، ہم نے اپنے تین بچوں کی پرورش کی ہے اور ایک شاندار تنظیم بنائی ہے جو دنیا بھر کے لوگوں کو صحت مند اور بہتر زندگی گزارنے میں مدد کرتی ہے۔ ہم مستقبل میں بھی اس مشن میں مل کر کام کرتے رہیں گے۔ لیکن ہم محسوس کرتے ہیں کہ ایک جوڑے کے طور پر ہم ایک ساتھ اپنی زندگی کے ساتھ آگے نہیں بڑھ سکتے۔اگست 2021 میں دونوں کی طلاق ہو گئی۔“</p>
<p dir="RTL" style="text-align: justify;">
واضح رہے دونوں کی ملاقات 1987 میں ہوئی جب میلنڈا نے مائیکروسافٹ جوائن کیا۔ سال 1994 میں دونوں نے ہوائی میں شادی کی۔ انہوں نے مل کر بل اور میلنڈا گیٹس کی بنیاد رکھی اور دنیا بھر کے ممالک میں مل کر خیراتی کام شروع کیا۔ان کی تنظیم نے دنیا بھر میں متعدی امراض اور بچوں کی ویکسینیشن پر قابل ذکر کام کیا۔ بل اینڈ میلنڈا گیٹس فاؤنڈیشن نے ہندوستان میں بھی پولیو کے خاتمے کے لیے بہت اچھا کام کیا۔</p>