پاکستان کے وزیر داخلہ رانا ثناء اللہ کے خلاف دہشت گردی کامقدمہ درج

اسلام آباد 26، اگست

پولیس نے جمعرات کو وزیر داخلہ رانا ثناء اللہ کے خلاف دہشت گردی کا مقدمہ درج کیا جب انہوں نے سرکاری اہلکاروں کو ان کے بچوں کو قتل کرنے کی دھمکی دی اور کہا کہ پاکستان کی عدالت اور اس کی عدلیہ ان کی مدد نہیں کرے گی۔

مقدمہ گجرات کے تھانہ انڈسٹریل ایریا میں شہری نے درج کرایا۔  جیو نیوز کے مطابق، پولیس نے ثناء اللہ کے خلاف دہشت گردی اور حکومتی معاملات میں مداخلت کا مقدمہ درج کر لیا۔

 پہلی اطلاعاتی رپورٹ (ایف آئی آر( کے مطابق وزیر داخلہ نے سرکاری اہلکاروں کو ان کے بچوں کو قتل کرنے کی دھمکی دیتے ہوئے کہا کہ پاکستان کی عدالت اور اس کی عدلیہ ان کی مدد نہیں کرے گی۔

ایف آئی آر میں مزید کہا گیا کہ ثناء اللہ نے کہا کہ وہ (حکومت) ان ججوں کو گھیرے گی جو پی ٹی آئی کے ایجنڈے کو فروغ دینے جا رہے ہیں، جیو نیوز نے رپورٹ کیا۔

رپورٹ میں مسلم لیگ (ن)کے رہنما کی ایک پرانی ویڈیو کا حوالہ دیتے ہوئے کہا گیا کہ ‘رانا ثناء اللہ کا بیان عدلیہ، چیف سیکریٹری اور دیگر سرکاری افسران کو دہشت زدہ کرنا اور انہیں اپنا کام کرنے نہ دینا تھا تاکہ وہ اپنے عدالتی وعدوں کو پورا نہ کرسکیں۔

 ایف آئی آر میں بتایا گیا کہ وزیر کے بیان سے عدلیہ، حکام، پولیس، بیوروکریسی اور قوم میں خوف و ہراس پھیل گیا ہے۔ خبر سامنے آنے کے فوراً بعد پاکستان مسلم لیگ قائد (پی ایم ایل ق) کے سینئر رہنما مونس الٰہی نے کہا کہ وزیر داخلہ کو جلد گرفتار کر لیا جائے گا۔

انہوں نے ٹوئٹر پر لکھا کہ ’آپ عمران خان کے خلاف جھوٹے مقدمات بناتے ہیں، اب پاکستانی قوم نے آپ کے خلاف سچا مقدمہ درج کر لیا ہے‘۔