پاکستان: عالمی بینک کی ٹیم داسو پن بجلی منصوبے کے سیکورٹی انتظامات کا جائزہ لینے پہنچی

<p dir="RTL" style="text-align: justify;">
<strong>پاکستان: عالمی بینک کی ٹیم داسو پن بجلی منصوبے کے سیکورٹی انتظامات کا جائزہ لینے پہنچی</strong></p>
<p dir="RTL" style="text-align: justify;">
اسلام آباد، <span dir="LTR">6</span>اگست (انڈیا نیرٹیو)</p>
<p dir="RTL" style="text-align: justify;">
عالمی بینک کی ایک ٹیم کوہستان میں داسو پن بجلی منصوبے میں سیکورٹی انتظامات کا جائزہ لینے پاکستان پہنچ گئی ہے۔ یہ ٹیم ایسے وقت پہنچی ہے جب 14 جولائی کو چینی انجینئروں کو لے جانے والی بس میں دھماکے سے 9 چینی انجینئر ہلاک ہو گئے تھے۔</p>
<p dir="RTL" style="text-align: justify;">
عالمی بینک کی ایک اعلیٰ سطحی ٹیم نے اس دوران واٹر اینڈ پاور مینجمنٹ ایڈمنسٹریشن سے ملاقات کی تاکہ دھماکے سے پہلے اور بعد میں سکیورٹی کی صورتحال کے بارے میں دریافت کیا جاسکے۔ اس دوران انہوں نے اس منصوبے کے چیف انجینئر محمد منصور اور چیف سیکورٹی افسر عبدالغفار سے خصوصی انتظامات اور دھماکے کے حوالے سے بات کی۔</p>
<p dir="RTL" style="text-align: justify;">
عالمی بینک کی ٹیم نے اس منصوبے کی دوبارہ شروعات کے حوالے سے تحقیقات کی، جو حادثے کے بعد سے معطل ہے۔ عالمی بینک کی ٹیم نے 70 فیصد مالی مدد کا وعدہ کیا ہے جس میں مکمل سیکورٹی اور کام دوبارہ شروع کرنے کی شرط شامل ہے۔</p>