پاکستانی سپریم کورٹ نے ڈینیل پرل قتل کیس کے ملزموں کی رہائی کے خلاف حکومت کی درخواست مسترد کردی

<p dir="RTL" style="text-align: justify;">
اسلام آباد ، 02 فروری (انڈیا نیرٹیو)</p>
<p dir="RTL" style="text-align: justify;">
 پاکستانی سپریم کورٹ نے صحافی ڈینیئل پرل کے قتل کیس میں ملزم کی رہائی معطل کرنے کی حکومتی درخواست مسترد کردی ہے۔دی ایکسپریس ٹریبون کی ایک رپورٹ کے مطابق ، اٹارنی جنرل آف پاکستان نے سپریم کورٹ سے ملزم کی رہائی کے فیصلے کو معطل کرنے کی درخواست کی تاکہ وہ اس معاملے پر تفصیل سے بحث کرسکیں۔ لیکن اعلی عدالت نے اس درخواست کو مسترد کردیا۔</p>
<p dir="RTL" style="text-align: justify;">
جمعرات کے روز ، القاعدہ کے دہشت گرد احمد عمر سعید شیخ اور اس کے تین ساتھیوں کو سپریم کورٹ آف پاکستان نے ڈینئل پرل کے اغواءاور قتل کیس میں بری کردیا تھا۔ امریکہ نے اس فیصلے پر برہمی کا اظہار کیا تھا۔ پرل کے اہل خانہ نے سپریم کورٹ کے فیصلے کو’انصاف کا مکمل قتل‘ قرار دیا۔</p>
<p dir="RTL" style="text-align: justify;">
اس کے بعد ، پاکستان نے کہا تھا کہ وہ پاکستانی سپریم کورٹ کے ذریعہ امریکی نژاد صحافی ڈینیئل پرل کے قاتلوں کی رہائی کے معاملے کا جائزہ لے گی۔ پاکستانی حکومت نے کہا تھا کہ وہ سپریم کورٹ کے فیصلے کے سلسلے میں صوبہ سندھ کی انتظامیہ کے ذریعہ نظر ثانی کی درخواست کے عمل میں حصہ لے گی۔<span dir="LTR">2002</span>میں ، ڈینئیل پرل کو پاکستانی شہر کراچی میں ہلاک کیا گیا تھا۔</p>