آسمان چھوتی قیمتوں کے درمیان اس سال پاکستان میں رمضان مزیدسخت ہوگا:رپور ٹ

اسلام آباد ۔28؍ فروری

 اس سال پاکستان میں رمضان المبارک آسمان کو چھوتی قیمتوں کی وجہ سے بہت سے کم اور متوسط آمدنی والے طبقے کے لوگوں کے لیے پچھلے سالوں کے مقابلے زیادہ مشکل ہو گا۔ پاکستان میں مقیم ڈان اخبار  کی اطلاع کے مطابق رمضان کے دوران، 12 گھنٹے سے زیادہ کے روزے کے بعد، لوگ بہت سی اشیاء کا اہتمام کرکے شاہانہ افطاری سے لطف اندوز ہونے کی کوشش کرتے ہیں۔

 لیکن ڈان کے مطابق، معمولی اجرت اور تنخواہوں کے حامل بہت سے لوگوں کے اس سال اپنی خریداری محدود کرنے کا امکان ہے۔ اس طرح یہ ذمہ داری حکومت پر عائد ہوتی ہے کہ وہ نہ صرف سال بھر بلکہ خاص طور پر مقدس مہینے میں سستے داموں خوردنی اشیاء کی دستیابی کو یقینی بنائے۔

 تاہم، قیمتوں میں ریلیف لانے کے لیے کسی خاص اقدامات کی توقع کرنا مشکل ہے، کیونکہ حکومت سیاسی اور معاشی افراتفری میں مصروف ہے اور بین الاقوامی مالیاتی فنڈ کے قرض (آئی ایم ایف) کی منظوری کی امید رکھتی ہے۔

پاکستان کی حکومت کسی بھی پوزیشن میں نہیں ہے کہ وہ قیمتوں کو کم کرنے کے لیے کوئی بڑی سبسڈی یا ڈیوٹی/ٹیکس میں رعایت دے سکے۔ ٹیکسوں اور ڈیوٹیوں کو کم کرکے قیمتوں کو کم کرنے کی کوئی بھی کوشش قرض کی منظوری سے پہلے آئی ایم ایف کو پریشان کر سکتی ہے۔ اور قیمتوں میں 10-20 فیصد کمی صارفین کو اس وقت تک مطمئن نہیں کرے گی جب تک کہ وہ کم از کم 30-40 فیصد تک گر نہ جائیں۔

 کراچی ریٹیل گروسرس گروپ کے جنرل سیکریٹری فرید قریشی نے بتایا کہ میں رمضان کے مقدس مہینے میں صدقہ کی تقسیم کے لیے دو قسم کے راشن پیک بنا رہا ہوں۔