سخت لاک ڈاؤن پالیسی سے چین کی جی ڈی پی کو زبردست نقصان پہنچے گا: چینی ماہرین

<p dir="RTL" style="text-align: justify;">
بیجنگ ، 31مارچ</p>
<p dir="RTL" style="text-align: justify;">
چین نے 2020 کے اوائل میں وبائی بیماری کے ابتدائی عروج کے بعد سے ہی معیشت  میں  مسلسل گراوٹ دیکھی ہے ۔ کورونا کی تازہ لہر نے  چین کی معیشت  پر پھر  سے خطرہ لاحق کردیا ہے۔ کورونا کی تازہ لہر  چین  کی پہلی سہ ماہی کی مجموعی گھریلو پیداوار کو کم از کم نصف فیصد پوائنٹ تک پہنچا سکتا ہے۔ ہانگ کانگ کی چینی یونیورسٹی کے ماہر معاشیات کے مطابق سخت لاک ڈاؤن سے ملک کو کم از کم 46 بلین امریکی ڈالر یا جی ڈی پی کا 3.1 فیصد نقصان پہنچنے کا امکان ہے اور اگر مزید پابندیاں سخت کرتے ہیں تو اس کا اثر دگنا ہو سکتا ہے۔</p>
<p dir="RTL" style="text-align: justify;">
شنگھائی کے 26 ملین افراد کا لاک ڈاؤن چین کی سخت گیر  صفر  حکمت عملی کی حدود  کا تجربہ کررہا ہے، جو ملک کی سرحدوں سے کہیں زیادہ مارکیٹوں کو ہلا رہی ہے۔ صرف چین کا سب سے بڑا شہر چین کی حقیقی جی ڈی پی کو 4 فیصد تک کم کر سکتا ہے۔ کورونا کی تازہ لہر کے دوران شنگھائی کے لاکھوں باشندوں کو گھر رہنا پڑتا ہے اور کورونا وائرس کی جانچ سے گزرنا پڑتا ہے کیونکہ مالیاتی مرکز اومیکرون کے بڑھتے ہوئے وباء کو روکنے کی کوشش کررہا ہے۔</p>
<p dir="RTL" style="text-align: justify;">
شنگھائی میں ٹرکنگ کے اعداد و شمار، تقریباً 2 ملین ٹرک جو چین سے گزرتے ہیں اور جن کی نقل و حرکت مقامی اقتصادی سرگرمیوں سے بہت زیادہ تعلق رکھتی ہے، اندازوں کے مطابق، لاک ڈاؤن شروع ہونے سے پہلے ہی معاشی سرگرمیاں معمول سے 40 فیصد کم ہونے کی نشاندہی کرتی ہیں۔ رپورٹ کے مطابق، مزید شہر شینزین کے نقطہ نظر کی پیروی کر سکتے ہیں، عوامی نقل و حمل کو روک سکتے ہیں اور لوگوں کو شہر میں داخل ہونے اور باہر جانے سے روک سکتے ہیں۔</p>
<p dir="RTL" style="text-align: justify;">
 رپورٹ میں متنبہ کیا گیا کہ لاک ڈاؤن سے کھپت اور پیداوار کو دوہرا دھچکا لگے گا، اور اس کے  اثر سے عالمی سپلائی چین کے لیے خطرہ بڑھ جائے گا۔صوبہ جیلان کے دارالحکومت چانگچن میں، جس نے 11 مارچ کو اومیکرون کیسز پر لاک ڈاؤن نافذ کیا تھا، معاشی سرگرمیوں کی سطح معمول کی سطح سے 66 فیصد سے زیادہ گر گئی۔ 9 ملین سے زیادہ رہائشی گھروں تک محدود تھے اور بڑے پیمانے پر جانچ کے تین راؤنڈ سے گزر رہے ہیں، جب کہ غیر ضروری کاروبار بند کر دیے گئے ہیں اور ٹرانسپورٹ روابط معطل ہیں۔</p>
<p dir="RTL" style="text-align: justify;">
 چینی ماہرین اقتصادیات نے پیش گوئی کی ہے کہ ایک ماہ کے لیے تمام شہروں کے لاک ڈاؤن سے چین کی جی ڈی پی میں 53 فیصد کمی واقع ہو جائے گی۔ اگر چین کے چار سب سے بڑے شہروں کو ایک ساتھ سخت لاک ڈاؤن کیا گیا تو افراط زر سے ایڈجسٹ جی ڈی پی 12 فیصد گر جائے گی۔</p>