زیلنسکی حادثہ کے شکار،پوتن کی گاڑی پر بم سے حملہ، کیا ہے پورا معاملہ؟

کیف/ماسکو، 15 ستمبر (انڈیا نیرٹیو)

 یوکرین پر روس کے حملے کے باعث دونوں ممالک کے صدور کے قافلے حادثات کا شکار ہو چکے ہیں۔

یوکرین کے صدر ولادیمیر زیلنسکی کی گاڑی کو حادثہ پیش آیا ہے جب کہ یہ بھی انکشاف ہوا ہے کہ ماضی میں روسی صدر ولادیمیر پوتن کی گاڑی پر بم سے حملہ کیا گیا تھا۔

حادثے کے بعد ایک ڈاکٹر نے زیلنسکی کا معائنہ کیا اور بتایا کہ وہ شدید زخمی نہیں ہیں۔ادھر روسی صدر ولادی میر پوتن کے بارے میں ایک بڑا انکشاف سے روس میں خوف و ہراس پھیلا ہوا ہے۔

معلوم ہوا ہے کہ پوتن کو ان کی گاڑی میں بم سے مارنے کی کوشش کی گئی۔ جب سے یہ اطلاع سامنے آئی ہے صدر کی سیکورٹی پر سوال اٹھنے لگے ہیں۔

 معلوم ہوا ہے کہ روسی صدر کی گاڑی کے بائیں جانب ’زوردار دھماکا‘ ہوا جس کے بعد چاروں طرف دھواں پھیل گیا۔

فوری طور پر سیکورٹی اہلکاروں نے پوتن کو بحفاظت باہر نکالا اور انہیں کوئی نقصان نہیں ہونے دیا۔

 بتایا گیا کہ پوتن اپنی سرکاری رہائش گاہ پر واپس جا رہے تھے جب سیکیورٹی اسکواڈ کی پہلی گاڑی کو ایمبولینس نے روکا۔

رکنے کے بعد بائیں جانب پوتن کی گاڑی میں ایک زوردار آواز سنائی دی اور پھر اس سے دھواں نکلنے لگا۔

اس کے بعد کار کو بم پروف اور بلٹ پروف سیکورٹی اسکواڈ نے گھیر لیا اور چند ہی لمحوں میں پوتن کو محفوظ مقام پر پہنچا دیا گیا۔

بعد میں اس ایمبولینس کا معائنہ کیا گیا اور ڈرائیونگ سیٹ پر ایک لاش ملی۔

شبہ ہے کہ پیوٹن پر حملہ کرنے والا خود کش حملہ آور تھا۔ اس کے بعد پوتن کی سکیورٹی میں مصروف کئی لوگوں کو گرفتار کر لیا گیا ہے اور ان کے کئی سکیورٹی اہلکاروں کو ہٹا دیا گیا ہے۔