سڑک نقل و حمل اور شاہراہوں کے مرکزی وزیر جناب نتن گڈکری نے سلسلہ وار ٹویٹس میں کہا ہے کہ ریاست ناگالینڈ میں دیماپور سے کوہیما روڈ تک (پیکیج-1)  4 لین پر مشتمل  14.93 کلومیٹر طویل سڑک منصوبہ اس سال مکمل ہو جائے گا۔ انہوں نے کہا کہ اس پروجیکٹ میں 387 کروڑ روپے کی سرمایہ کاری کی گئی ہے۔

جناب گڈکری نے کہا کہ یہ پروجیکٹ نہ صرف ناگالینڈ اور منی پور کے درمیان بہتر رابطہ فراہم کرے گا، بلکہ سفر کے وقت کو بھی کافی حد تک کم کرے گا۔ انہوں نے کہا کہ وزیر اعظم جناب نریندر مودی کی قیادت میں ہم ملک میں بہترین سڑک کا بنیادی ڈھانچہ فراہم کرنے کے وژن کے ساتھ کام کر رہے ہیں۔