وزارت اقلیتی امور نے ریاستوں اور مرکز کے زیر انتظام علاقوں کی حج کمیٹیوں سمیت ان تمام متعلقین کے ساتھ حج کے بندو بست  پر کئی دور کی بات چیت کی ہے جنہیں حج کوٹہ کو بحال کرنے کی درخواستیں موصول ہوئی تھیں۔ اس مسئلہ کو حج 2023 کے لیے  مملکت سعودی عرب (کے ایس اے) کے ساتھ سالانہ دو طرفہ معاہدہ کے تحت حل کر لیا گیا ہے اور کووڈ-19 کے چیلنجز کے باوجود،  ملک کا اصلی حج کوٹہ، یعنی 175025 کو حج 2023 کے لیے بحال کر دیا گیا ہے۔

سالانہ دو طرفہ معاہدہ کے تحت ہندوستانی حج کمیٹی کا یہ کوٹہ حج 2023 کے لیے  متعدد ریاستوں اور مرکز کے زیر انتظام علاقوں سے تعلق رکھنے والے عازمین حج کے لیے ہے۔ حج کوٹہ میں ہونے والے اس اضافہ نے حکومت کو  ریاستوں/مرکز کے زیر انتظام علاقوں سے  مزید عازمین کو حج پر بھیجنے کے قابل بنایا ہے۔

یہ جانکاری اقلیتی امور کی مرکزی وزیر محترمہ اسمرتی زوبین ایرانی نے آج لوک سبھا میں ایک سوال کے تحریری جواب میں دی۔