لڑکیوں کے ‘ عزت کے حق’ کو یقینی بنایا جائے: شبنم شاہ کاملی

<p dir="RTL" style="text-align: justify;">
ہرسال 24 جنوری کو ملک بھر میں منایا جانے والا ’نیشنل گرل چائلڈ ڈے‘ جموں و کشمیر میں بھی جوش و خروش کے ساتھ منایا گیا جس کا مقصد بچیوں کے حقوق کے بارے میں بیداری پیدا کرنا ہے۔اس موقع پر، جموں و کشمیر بھر میں کئی پروگرام منعقد کیے گئے جس کا مقصد لڑکیوں کے مسائل سے متعلق بیداری پیدا کرنا تھا، جن میں بچیوں کی ہلاکت، صنفی عدم مساوات، جسمانی اور ذہنی استحصال شامل ہیں۔</p>
<p dir="RTL" style="text-align: justify;">
 اپنے پیغام میں مشن ڈائریکٹر (ایم ڈی)ویمن ایمپاورمنٹ شبنم شاہ کاملی نے کہا کہ ایک بچی کو اپنے حقوق کا استعمال کرنا چاہیے، وہ معاشرے میں اس کی حقدار ہے، کیونکہ ہم سب بچیوں کے حقوق سے آگاہ ہیں لیکن زیادہ تر لڑکیاں اپنے بنیادی حقوق خصوصاً تعلیم کے حق سے محروم ہیں۔ کاملی نے کہا کہ محکمہ اس بات کو یقینی بنانے کے لیے پرعزم ہے کہ ہر لڑکی کو اس کے تمام حقوق ملیں۔</p>
<p dir="RTL" style="text-align: justify;">
 انہوں نے مزید کہا کہ مرکزی حکومت اور یو ٹی انتظامیہ نے اس سلسلے میں بہت سارے پروگرام اور اسکیمیں متعارف کروائی ہیں اور مرکزی اسکیم 'بیٹی بچاؤ بیٹی پڑھاؤ' کا خصوصی حوالہ دیا ہے۔ انہوں نے کہا کہ اس قسم کی اسکیموں کی مدد سے لڑکیوں کو زندگی کے مختلف شعبوں میں بااختیار بنایا گیا ہے۔ کاملی نے نیشنل گرل چائلڈ کے موقع پر اپنے پیغام میں کہا، "یہ تشویشناک بات ہے کہ لڑکیوں کو عزت کے حق سے محروم کیا جاتا ہے، اور میں تمام خاص طور پر والدین سے گزارش کرتیہوں کہ وہ اس بات کو یقینی بنائیں کہ لڑکی کو باوقار بنایا جائے اور اسے یکساں طور پر پیار اور عزت دی جائے۔"</p>
<p dir="RTL" style="text-align: justify;">
 انہوں نے کہا کہ ان کا محکمہ عزت کے حق کے موضوع پر کام کرے گا۔ انہوں نے مزید کہا کہ کسی کو بھی اپنی بچی کی عزت اور وقار پر سمجھوتہ نہیں کرنا چاہیے۔ والدین کو چاہیے کہ وہ اپنی بیٹیوں کو اچھی عادتیں ڈالتے ہوئے انہیں ان کی عزت کی قدروں سے روشناس کرائیں۔ کاملی نے لوگوں پر زور دیا کہ وہ لڑکیوں میں جذباتی اور ذہنی توازن پیدا کریں۔  انہوں نے زور دیتے ہوئے کہا  کہ لڑکیاں عام طور پر ذہنی صدمے کا شکار ہوتی ہیں، جو گھریلو تشدد کی بدترین شکل ہے۔ جسمانی صدمے کو تو ٹھیک کیا جا سکتا ہے، لیکن ذہنی صدمے ٹھیک نہیں ہو سکتے۔</p>