جموں و کشمیر: آزادی کے بعد پہلی بار سامبا گاؤں کو سڑک سے جوڑنے پر گاؤں میں جشن کاماحول

<p dir="RTL" style="text-align: justify;">
جموں و کشمیر کے سانبا ضلع میں داروئی پنچایت کے لوگوں نے جمعہ کو گاؤں میں سڑک کی تعمیر کا کام شروع ہونے کے بعد خوشی کا جشن منانا اور ناچنا شروع کردیا۔ آزادی کے بعد پہلی بار جے سی بی مشین لگتے ہی گاؤں کے لوگ ڈھول کی تھاپ پر ناچنے لگے اور آپس میں مٹھائی کا تبادلہ کرنے لگے۔ سانبہ کی پہاڑی پنچایت داروئی تا گاؤں بردھن کا کام جمعہ کو   شروع ہوا جو 2 کلومیٹر 500 میٹر ہے اور جس میں 2 کروڑ 29 لاکھ روپے خرچ ہوں گے۔  مقامی لوگوں نے پنچایت کی سرپنچ ویملا دیوی کا خیرمقدم کیا اور ان کا شکریہ ادا کیا کیونکہ انہوں نے سڑک کی تعمیر میں بہت اہم کردار ادا کیا تھا۔</p>
<p dir="RTL" style="text-align: justify;">
 ایم این این سے بات کرتے ہوئے ویملا دیوی نے کہا کہ لوگ 2009 سے اس سڑک کو بنانے کی کوششوں میں لگے ہوئے تھے لیکن آخر کار 2022 میں کام شروع ہو گیا ہے۔   یہ سڑک نبارڈ اسکیم کے تحت بنائی جا رہی ہے جو  صرف تین گاؤں کے لیے ہے   اور اس کام کے مکمل ہونے کے بعد، ہمارا اگلا ہدف اس سڑک کو ننگل، کھرڈی اور دیگر سے لے کر پورمنڈل تک بہت سے گاؤں سے جوڑنا ہے۔  ایک دیہاتی نے بتایا کہ یہ سڑک گاؤں کے دیرینہ مطالبات میں سے ایک تھی کیونکہ اسکول جانے والے طلباء سے لے کر حاملہ خواتین تک سبھی کو پریشانی کا سامنا تھا۔ ''</p>
<p dir="RTL" style="text-align: justify;">
بردھن اور لالالی روڈ کے درمیان رابطہ بہت ضروری تھا۔ پہلے لوگوں کو کافی پریشانیوں کا سامنا کرنا پڑتا تھا، سفر کرنا بہت مشکل تھا، ہمارے لیے کوئی سڑک نہیں تھی۔ طالبات، حاملہ خواتین اور دیگر لوگوں کو پریشانی کا سامنا تھا۔ اس سڑک کے بن جانے سے  یہ ہمارے لیے ایک بڑی سہولت ہوگی۔ میں اس کے لیے مرکزی حکومت کا بہت شکر گزار ہوں۔ایک اور دیہاتی لمبردار کھیم راج نے بھی ترقی پر خوشی کا اظہار کیا  اور کہا ''ہم اپنے مطالبہ کو پورا کرنے پر اپنے سرپنچ اور مرکزی حکومت کا شکریہ ادا کرتے ہیں، اس سے پہلے ہم نے بڑی مشکلات کے دن دیکھے ہیں، ہمارے گاؤں کے دونوں طرف ندیاں ہیں، بارش کے دنوں میں میں اپنے بچوں کو کندھوں پر اٹھا کر گاؤں جاتا تھا۔</p>
<p dir="RTL" style="text-align: justify;">
روئی کی ندی کو پار کرنے کے بعد اسکول جاتے تھے اور اسکول سے چھٹی کے بعد انہیں اپنے ساتھ لے آتے تھے۔ بارش کے دنوں میں پانی بہت زیادہ ہوتا تھا۔ انہوں نے مزید کہا کہ بردھن، لالالی، ننگل اور کھرڈی جیسے کئی دیہات کے لوگوں کو ابھی تک سڑکوں تک رسائی نہیں ہے اور انہیں گاؤں سے باہر کہیں جانے کے لیے دریا عبور کرنا پڑتا ہے۔ ''بارش کے دنوں میں، حاملہ خواتین کو بھی کافی پریشانیوں کا سامنا کرنا پڑتا تھا۔ اس دوران بہت سی خواتین اپنے رشتہ دار کے گھر جایا کرتی تھیں۔ ایک مقامی رہائشی، ڈگی شرما نے کہا، ''ہم بہت خوش ہیں کہ سڑک تعمیر کی جائے گی، آنے والی نسلوں کو ان پریشانیوں کا سامنا نہیں کرنا پڑے گا جس کا ہم نے سامنا کیا ہے۔'' ''سانبہ ضلع کے تین چار گاؤں میں سڑک کا رابطہ نہیں تھا، ہمیں کافی مشکلات کا سامنا کرنا پڑا۔ ہم برسوں سے سڑک کی تعمیر کی کوشش کر رہے تھے۔ مرکزی حکومت کی وجہ سے اب ہم بھی آگے بڑھیں گے۔ہمارے بچے آسانی سے اسکولوں اور کالجوں میں جاسکتے ہیں۔پہلے ہم بیماروں کو چارپائی پر لے جایا کرتے تھے۔اور بھی بہت سے گاؤں ایسے ہیں جہاں سڑک کا رابطہ نہیں ہے۔اس لیے میں مرکزی حکومت سے سڑکوں کی تعمیر کا مطالبہ  کرتا ہوں۔</p>