ایم پی اوپیندر سنگھ راوت نے ترقیاتی بلاک سدھور اور ترقیاتی بلاک ہرکھ میں تین سڑکوں کا سنگ بنیاد رکھا

 بارہ بنکی(ابوشحمہ انصاری)

لوک سبھا حلقہ بارہ بنکی کے تحت ترقیاتی بلاک سدھور کےتحت ، کوٹھی اچکامئو روڈ پر سرسوتی اسکول کے قریب، بارہ بنکی حیدر گڑھ روڈ سے ملحہ پوروا وایا اچکامئو مارگ تک – 6.300 کلومیٹر، (لاگت – 542.04 لاکھ) سدھور،روڈ سے اجوا مارگ اور ترقیاتی بلاک ہرکھ کے تحت تکیہ چوراہے پر  زید پور-5.435 کلومیٹر (لاگت – 662.37 لاکھ)  دولت پور دادرا سڑک  سےسترکھ روڈ تکیہ،8.250 کلومیٹر (لاگت – 1014.34 لاکھ) ترقیاتی بلاک ہرکھ کے تحت پارلیمنٹ  رکن  اوپیندر سنگھ راوت نے سنگ بنیاد رکھا۔

سنگ بنیاد رکھنے کے پروگراموں سے خطاب کرتے ہوئے ایم پی اوپیندر سنگھ راوت نے کہا کہ ان سڑکوں کی تعمیر نئی ٹیکنالوجی ایف ڈی آر سے کی جائے گی۔ ضلع میں پہلی بار اس ٹیکنالوجی سے سڑک بنائی جائے گی۔  Full Depth Reclamation (FDR) ٹیکنالوجی میں، پرانی سڑک کی پوری کرسٹ کو دوبارہ استعمال کیا جاتا ہے۔ اس میں سڑک کی تعمیر کا کام تیزی سے کیا جاتا ہے، خصوصی مشینوں کی مدد سے سیمنٹ اور کرسٹ وغیرہ کو ملا کر سڑک بنائی جاتی ہے۔

ان سڑکوں کی تعمیر سے علاقے کے لوگوں کو آمدورفت میں کافی سہولت ملے گی۔اور بتایا کہ مذکورہ سڑکوں کی تجاویز میں نے پردھان منتری گرامین سڑک یوجنا کے تحت منتخب کرنے کے لیے وزیر اعظم نریندر مودی جی کو بھیجی تھیں،جس کے تحت ان سڑکوں کا انتخاب پردھان منتری گرامین سڑک یوجنا کے تحت کیا گیا ہے۔

اس موقع پر ایم ایل اے حیدر گڑھ دنیش راوت، ضلع صدر کسان مورچہ آشوتوش اوستھی، ضلع نائب صدر کسان مورچہ رام کمار مشرا، سرکل صدر کوٹھی کوشلندر شکلا، منڈل صدر سدر پراوین سنگھ، سرکل صدر زید پور سنجے اوستھی، صدر ستیہ نام ورما،صدر گنیش ورما، امیت ورما، پون مشرا، لکشمی رام سنگھ، پرمود گوسوامی، للو راوت اور علاقے کے سینکڑوں لوگ موجود رہے۔