نائیجیریا میں اسکول پر حملہ ، 400 سے زائد بچے لاپتہ

<h3 style="text-align: center;">نائیجیریا میں اسکول پر حملہ ، 400 سے زائد بچے لاپتہ</h3>
<p style="text-align: right;">ابوجا،14دسمبر (انڈیا نیرٹیو)</p>
<p style="text-align: right;">نائیجریا میں اسکول پر حملے کے بعد 400 سے زائد طالب علم لاپتہ ہوگئے ہیں جن کے اغوا ہونے کا خدشہ ہے۔میڈیار رپورٹو ں کے مطابق نائجیریا کے شمال مغربی صوبے کتسینا میں واقع اسکول پر ایک بڑے گروہ نے حملہ بول دیا۔ حملہ آوروں کے پاس خود کار اسلحہ تھا۔</p>
<p style="text-align: right;">مقامی پولیس سربراہ کے مطابق حملہ آوروں اور پولیس کے مابین فائرنگ میں بعض طلبہ کو اسکول سے فرار ہونے کا موقع مل گیا۔ اسکول میں طلبا کی مجموعی تعداد 600 بتائی جاتی ہے جن میں سے صرف 200 کے بارے میں معلومات حاصل ہوسکی ہے۔</p>
<p style="text-align: right;">حکومتی ترجمان کا کہنا ہے کہ پولیس، فوج اور نائجیرین فضائیہ اسکول حکام کے ساتھ رابطے میں ہے اور لاپتا یا اغوا ہونے والے طالب علموں کے بارے میں معلومات جمع کی جارہی ہے۔</p>
<p style="text-align: right;">بعض مقامی افراد کا کہنا ہے کہ انہوں نے حملہ آوروں کو اپنے ساتھ کچھ بچوں کے لے جاتے ہوئے دیکھا ہے۔</p>
<p style="text-align: right;">نائیجیریا میں اس سے قبل اپریل 2014 میں ایسا ہی ایک ہولناک واقع پیش آیا تھا جب شدت پسند گروپ بوکو حرام نے چیبوک میں بچیوں کے ایک اسکول پر حملہ کرکے 246 طالبات کو اغوا کرلیا تھا۔ ان میں سے 100 بچیاں آج تک لاپتہ ہیں۔</p>.