تنظیم آل انڈیا مسلم جماعت نے راجوری دہشت گردانہ حملہ کی مذمت کی

درگاہ اعلیٰ حضرت سے وابستہ تنظیم آل انڈیا مسلم جماعت کے قومی صدر مولانا شہاب الدین رضوی بریلوی نے کشمیر کے ضلع راجوری میں دہشت گردی کے واقعہ کی مذمت کرتے ہوئے کہا کہ اسلام امن و سلامتی کا مذہب ہے۔

  کسی  بھی طرح  کا تشدد پیغمبر اسلام صلی اللہ علیہ وآلہ وسلم کی شان میں گستاخی ہے۔آپ نے آکر پوری دنیا کو عالمی امن کا پیغام دیا، پیغمبر اسلام نے کبھی کسی پر لعنت بھی نہیں فرمائی، جنگ و جدل اور قتل و غارت گری پیغمبر اسلام کی تعلیمات کے خلاف ہے۔ انہوں نے کہا کہ اس طرح کے دہشت گردانہ واقعات سے مسلمانوں کی شبیہ خراب ہو رہی ہے۔

مولانا نے مزید کہا کہ کچھ لوگوں نے اسلام کے نام پر دہشت گرد تنظیمیں بنا رکھی ہیں اور ان تنظیموں کے ذریعے کشمیر کے ضلع راجوری میں ہندوؤں کے گھروں پر حملے انتہائی افسوسناک واقعہ ہے، میں اس واقعہ کی شدید مذمت کرتا ہوں۔ میں حکومت ہند سے درخواست کرتا ہوں کہ وہ دہشت گرد تنظیموں کے خلاف سخت ترین قانونی کارروائی کرے۔