تمام خریداری مراکز پرمکمل شفافیت کے ساتھ دھان کی خریداری کی ہدایات

کاشتکاروں کو خریداری مراکز پر کسی قسم کی تکلیف کا سامنا نہ کرنا پڑے:ڈی ایم

بارہ بنکی(ابوشحمہ انصاری)

ضلع مجسٹریٹ اویناش کمار نے نوین منڈی میں دھان کی خریداری کے انتظامات کا معائنہ کیا۔ انہوں نے کہا کہ کسانوں کا مفاد ریاستی حکومت کے لیے سب سے اہم ہے۔ دھان کی خریداری میں غفلت کسی بھی صورت برداشت نہیں کی جائے گی۔ انہوں نے تمام خریداری مراکز پر مکمل شفافیت کے ساتھ دھان کی خریداری کی ہدایات دیں۔

 انہوں نے کہا کہ کسانوں کو خریداری مراکز پر کسی قسم کی تکلیف کا سامنا نہیں کرنا پڑے۔ کسانوں کے مفادات کو نظر انداز کرنے والوں کے خلاف سخت کارروائی کی جائے گی، احتساب کا عمل طے کیا جائے گا۔

 ضلع مجسٹریٹ نے ہدایات دیتے ہوئے کہا کہ دھان خریدی مراکز کو وقت پر چلایا جائے۔ کسانوں کو ان کی پیداوار بروقت ادا کی جائے۔ ریاست میں ای-پاپ ڈیوائس کے ذریعہ آدھار تصدیق کے ذریعے کسانوں سے دھان کی خریداری کو یقینی بنایا جانا چاہیے۔ دھان کی ادائیگی کسانوں کے آدھار سے جڑے بینک اکاؤنٹ میں پی ایف ایم ایس سے کھاتوں کی تصدیق کروا کر کی جانی چاہیے۔ دھان کی خریداری کا پورا عمل آن لائن ہے۔

 اس موقع پر ایڈیشنل ڈسٹرکٹ مجسٹریٹ، منڈی سیکرٹری سمیت متعلقہ افسران موجود رہے۔