وزیراعظم جناب نریندر مودی نے آج ویڈیو پیغام کے ذریعے منی پور سنگائی فیسٹیول سے خطاب کیا۔ ریاست کے سب سے بڑے تہوار کے طور پر معروف منی پور سنگائی فیسٹیول منی پور کو عالمی معیار کے سیاحتی مقام کے طور پر فروغ دینے میں مدد کرتا ہے۔ اس تہوار کا نام ریاستی جانور سنگائی کے نام پر رکھا گیا ہے، جو صرف منی پور میں پائے جانے والے ہرن ہیں۔
مجمع سے خطاب کرتے ہوئے وزیر اعظم نے منی پور سنگائی فیسٹیول کے کامیاب انعقاد پر منی پور کے عوام کو مبارکباد پیش کی۔ انھوں نے کہا کہ یہ میلہ کورونا وبائی مرض کی وجہ سے دو سال کے بعد منعقد کیا جارہا ہے. اور انھوں نے بڑے پیمانے پر انتظامات پر خوشی کا اظہار کیا۔ وزیر اعظم نے اس میلے کے انعقاد کے لیے منی پور حکومت اور وزیر اعلی این بیرین سنگھ کی کوششوں اور جامع وژن کی ستائش کرتے ہوئے کہا کہ ’’منی پور سنگائی فیسٹیول منی پور کے لوگوں کے جذبے اور جوش کی عکاسی کرتا ہے۔‘‘
’’سنگائی فیسٹیول بھارت کے حیاتیاتی تنوع کا جشن ہے‘‘
منی پور کی بے پناہ قدرتی خوبصورتی، ثقافتی خوشحالی اور تنوع پر تبصرہ کرتے ہوئے. وزیر اعظم نے کہا کہ ہر شخص کم از کم ایک بار ریاست کا دورہ کرنا چاہتا ہے. اور اسے ایک خوبصورت مالا سے تشبیہ دی جو مختلف موتیوں سے بنی ہے۔ وزیر اعظم نے مزید کہا کہ منی پور عین ایک مالا کی طرح ہے جہاں کوئی بھی ریاست میں ایک منی انڈیا کا مشاہدہ کرسکتا ہے۔
’’منی پور بالکل ایک خوبصورت مالا کی طرح ہے جہاں کوئی منی انڈیا کا مشاہدہ کرسکتا ہے‘‘
وزیر اعظم نے اس بات پر زور دیا کہ بھارت اپنے امرت کال میں. ’’ایک بھارت شریشٹھ بھارت‘‘ کے جذبے کے ساتھ آگے بڑھ رہا ہے۔ سنگائی فیسٹیول کے موضوع پر روشنی ڈالتے ہوئے وزیر اعظم نے کہا .کہ اس میلے کا کامیاب انعقاد آنے والے دنوں میں قوم کے لیے توانائی اور تحریک کا ذریعہ بنے گا۔ نہ صرف منی پور کا ریاستی جانور ہے بلکہ بھارت کے عقیدے. اور اعتقادات میں بھی اس کا ایک خاص مقام ہے۔ سنگائی تہوار بھارت کے حیاتیاتی تنوع کا بھی جشن مناتا ہے۔ انھوں نے مزید کہا کہ یہ فطرت کے ساتھ بھارت کے ثقافتی. اور روحانی تعلقات کا بھی جشن ہے۔ وزیر اعظم نے یہ بھی بتایا. کہ یہ تہوار پائیدار طرز زندگی کے تئیں ناگزیر سماجی حساسیت کی حوصلہ افزائی کرتا ہے۔
