وزیر اعظم جناب نریندر مودی نے منشیات کے خاتمے میں ہندوستان کی طرف سے حاصل کیے گئے تاریخی سنگ میل کی تعریف کی ہے کیونکہ آج ضبط کی گئی 144000 کلوگرام منشیات کو تلف کر دیا گیا ہے۔

مرکزی وزیر داخلہ جناب امت شاہ نے ایک ٹویٹ میں کہا کہ اس کامیابی کے ساتھ، ہندوستان نے صرف ایک سال میں 12000 کروڑ روپے کی 10 لاکھ کلو گرام منشیات کو تباہ کرنے کا حیران کن ریکارڈ حاصل کیا ہے۔

منشیات کی اسمگلنگ اور قومی سلامتی سے متعلق علاقائی کانفرنس میں یہ قابل ذکر کارنامہ انجام دیا گیا۔ یہ ہندوستانی وزیر اعظم کے منشیات سے پاک ہندوستان کے وژن کی تکمیل میں وزارت داخلہ کی سخت اور انتھک کوشش کی عمدہ مثال ہے۔

اس کے جواب میں وزیراعظم نے ٹویٹ کیا:

’’زبردست! ہندوستان کو منشیات کی لعنت سے پاک کرنے کی ہماری کوششوں کو اس سے تقویت ملتی ہے۔‘‘

*****