وزیراعظم نے 80 نوجوانوں سے گفتگو کو جاندار قرار دیا

نئی دہلی، 24 جنوری (انڈیا نیریٹو)

وزیر اعظم نریندر مودی نے ‘اپنے لیڈر کو جانیں’ پروگرام کے تحت ملک بھر سے منتخب 80 نوجوانوں کے ساتھ بات چیت کو جاندار قرار دیا ہے۔ وزیر اعظم نے منگل کو گفتگو کی ایک ویڈیو شیئر کرتے ہوئے ٹویٹ کیا – ”ملک بھر سے نوجوانوں کے ایک گروپ کے ساتھ ایک جاندار بات چیت ہوئی جو اپنے لیڈر کو جانیں پروگرام کا حصہ تھے۔ پروگرام کی جھلکیاں یہ ہیں“۔

وزیر اعظم نے پیر کو ‘اپنے لیڈر کو جانیں’ پروگرام کے تحت پارلیمنٹ کے سنٹرل ہال میں نیتا جی سبھاش چندر بوس کی اعزازی تقریب میں شرکت کے لیے منتخب نوجوانوں سے بات چیت کی۔ یہ بات چیت ان کی رہائش گاہ 7، لوک کلیان مارگ پر ہوئی۔ اس میں وزیر اعظم نے نوجوانوں کے ساتھ واضح اور کھل کر بات چیت کی۔ انہوں نیتا جی سبھاش چندر بوس کی زندگی کے مختلف پہلووں پر بات چیت کی اور ہم ان سے کیا سیکھ سکتے ہیں ،اس پر گفتگو کرتے ہیں۔

انہوں نے یہ بھی مشورہ دیا کہ وہ تاریخی شخصیات کی سوانح عمری پڑھنے کی کوشش کریں تاکہ یہ معلوم ہو سکے کہ انہیں اپنی زندگی میں کس قسم کے چیلنجز کا سامنا کرنا پڑا اور انہوں نے ان چیلنجوں پر کیسے قابو پایا۔ نوجوانوں نے وزیر اعظم سے ملنے اور پارلیمنٹ کے سینٹرل ہال میں بیٹھنے کا منفرد موقع ملنے پر اپنے جوش و خروش کا اظہار کیا۔ انہوں نے کہا کہ اس پروگرام میں ملک کے کونے کونے سے اتنے لوگوں کی موجودگی نے انہیں یہ سمجھنے کا موقع بھی فراہم کیا ہے کہ تنوع میں اتحاد کیاہوتا ہے۔