اتراکھنڈ کو بہترین سیاحتی مقام کا ایوارڈ ملا

سیاحت کی ہمہ جہت ترقی کے لیے ریاست کو پہلا انعام

وزیر ستپال مہاراج نے نائب صدر جمہوریہ کے ہاتھوں ایوارڈ لیا

سیاحت کے عالمی دن کے موقع پر، ریاست اتراکھنڈ کو سیاحت کی وزارت، حکومت ہند کی طرف سے بیسٹ ایڈونچر ٹورزم ڈیسٹی نیشن اور سیاحت کی ہمہ گیر ترقی کے لیے پہلا انعام ملا ہے۔ سیاحت اور ثقافت کے وزیر مہاراج نے کہا کہ یہ اعزاز حاصل کرنا اتراکھنڈ کے لیے فخر کی بات ہے۔

ریاستی سیاحت اور ثقافت کے وزیر ستپال مہاراج نے منگل کو نئی دہلی کے وگیان بھون میں منعقدہ ایک پروگرام کے دوران نائب صدر جگدیپ دھنکڑ کے ہاتھوں یہ اعزاز حاصل کیا۔

اتراکھنڈ ایوارڈ ملنے پر انہوں نے ریاست کے تمام لوگوں اور سیاحت کی صنعت سے وابستہ لوگوں کو اس کے لیے مبارکباد دی ہے۔ مرکزی وزیر سیاحت جی کشن ریڈی اور ریاستی وزیر دفاع اجے بھٹ بھی موجود تھے۔

وزیر مہاراج نے کہا کہ ریاست اتراکھنڈ ملک اور بیرون ملک کے سیاحوں کو ریاست کا دورہ کرنے کی مدعوکر تی ہے جہاں سیاحت کے تمام زمروں میں ہر طرح کی سہولیات اور مواقع دستیاب ہیں۔

منگل سے ہی ہیلی کاپٹر کے ذریعے ہمالیہ درشن کی سروس بھی اتراکھنڈ کے مسوری میں شروع کی گئی ہے۔ ریاست کے وزیر سیاحت نے کہا کہ محکمہ سیاحت اتراکھنڈ میں سیاحوں کو راغب کرنے کے لیے کئی منصوبوں پر کام کر رہا ہے۔ اتراکھنڈ کو ملنے والے دونوں ایوارڈز یہ ثابت کرتے ہیں کہ سیاحوں میں ریاست کی مقبولیت مسلسل بڑھ رہی ہے۔