پٹنہ سے نئی دہلی کے لیے جلد شروع ہوگی وندے بھارت،کتنے گھنٹے میں ہوگا مکمل سفر؟

پٹنہ سے دہلی جانے والے مسافروں کو ریلوے مزید سہولیات فراہم کرنے جا رہا ہے۔ در اصل پٹنہ سے دہلی جانے والے مسافر اب صرف سات گھنٹے میں منزل پر پہنچ جائیں گے، کیونکہ وندے بھارت ا?ئندہ تین سے چار ماہ کے اندر پٹنہ سے نئی دہلی تک شروع ہونے والا ہے۔ یہ ٹرین دانا پور، پٹنہ جنکشن اور راجندر نگر ٹرمینل پررکے گی۔

اس ٹرین میں جہاں ایک طرف مسافروں کو بہت سی خصوصی سہولیات فراہم کی جائیں گی وہیں وقت کی بھی بچت ہوگی۔ مسافر صرف سات گھنٹے میں پٹنہ سے نئی دہلی پہنچ جائیں گے۔ وندے بھارت ایکسپریس 150 سے 180 کلومیٹر فی گھنٹہ کی رفتار سے چلے گی۔ فی الحال اس روٹ پر تیجس، راجدھانی اور سمپورن کرانتی جیسی تیز رفتار ٹرینیں چل رہی ہیں۔ فی الحال ایکسپریس ٹرینیں 12-13 گھنٹے میں دہلی پہنچ جاتی ہیں۔

ایسٹ سنٹرل ریلوے کے اہلکار کے مطابق اس کے لیے پٹریوں کو مضبوط کیا جا رہا ہے۔ پٹنہ جنکشن سے ہوتے ہوئے دین دیال اپادھیائے جنکشن سے جھاجھا تک تقریباً 400 کلومیٹر ٹریک کو مضبوط کیا گیا ہے۔ چھوٹی چھوٹی کوتاہیوں کو دور کیا جا رہا ہے۔ پوروا ایکسپریس، بھاگلپور انٹرسٹی، جن شتابدی ایکسپریس اور دیگر ٹرینیں 80 سے 110 کلومیٹر فی گھنٹہ کی رفتار سے چلتی ہیں۔ راجدھانی کے مقابلے وندے بھارت ایکسپریس کی رفتار 30-50 کلومیٹر فی گھنٹہ زیادہ ہوگی۔

دانا پور ریلوے ڈویزن کے اہلکار کے مطابق پاٹلی پترا کوچنگ کمپلیکس روپس پور کے قریب تعمیر ہونے والا ہے۔ اس کے ا?گے وندے بھارت ایکسپریس کی دیکھ بھال کے لیے ایک جدید ترین کوچنگ کمپلیکس تعمیر کیا جائے گا۔ ریلوے بورڈ نے کمپلیکس کی تعمیر کے لیے جگہ کا انتخاب کرنے کو کہا ہے۔