ابھیشیک بچن نے اپنے کیریئر کا آغاز بطور ایل آئی سی ایجنٹ کیا تھا

<p dir="RTL" style="text-align: justify;">
<strong>برتھ ڈے اسپیشل 5 فروری</strong></p>
<p dir="RTL" style="text-align: justify;">
ابھیشیک بچن، بالی ووڈ کے میگا اسٹار امیتابھ بچن کے بیٹے اور اداکارہ جیا بچن، جو جونیئر بچن کے نام سے مشہور ہیں، فلم انڈسٹری کے بہترین اور سیٹل اداکاروں میں سے ایک ہیں۔ 5 فروری 1976 کو پیدا ہونے والے ابھیشیک بچن نے اپنے کیریئر کا آغاز بطور ایل آئی سی ایجنٹ کیا۔ اس کے بعد انہوں نے اپنے والد کی کمپنی 'اے بی سی ایل' میں کام کیا، لیکن جلد ہی ابھیشیک نے سال 2000 میں فلم 'ری فیوجی' میں بطور اداکار فلم انڈسٹری کا رخ کیا۔ اگرچہ یہ فلم باکس آفس پر اچھی کارکردگی نہیں دکھا سکی لیکن فلم میں ابھیشیک کی اداکاری کو کافی سراہا گیا۔ اس کے بعد ابھیشیک کو سابق مس ورلڈ اور اداکارہ ایشوریہ رائے کے ساتھ فلم 'ڈھائی اکشر پریم کے' اور 'کچھ نہ کہو' میں کام کرنے کا موقع ملا۔ لیکن یہ فلمیں باکس آفس پر ناکام رہیں۔</p>
<p dir="RTL" style="text-align: justify;">
 اس دوران ابھیشیک اور ایشوریہ دونوں گہرے دوست بن گئے تھے۔ لیکن ان کی قسمت نے ابھیشیک کے کیرئیر کا ساتھ نہیں دیا اور چار سالوں میں ان کی 15 فلمیں باکس آفس پر ناکام ہو گئیں۔ سال2004میں   ابھیشیک کی قسمت چمکی اور اسی سال انہیں سنجے گاندھوی کے ذریعہ ڈائریکٹ کی گئی فلم دھوم میں ادا کاری کرنے کا موقع ملا۔ یہ فلم ابھیشیک کی  پہلی سپرہٹ فلم ثابت ہوئی۔ ابھیشیک نے فلم میں اپنی اداکاری سے نہ صرف اپنی پہچان بنائی بلکہ شائقین کے دل بھی جیت لیے۔ اس کے بعد ابھیشیک کو 2005 کی فلم 'بنٹی اور ببلی' میں اداکاری کا موقع ملا۔</p>
<p dir="RTL" style="text-align: justify;">
 فلم میں ابھیشیک کی اداکاری کو خوب پذیرائی ملی اور یہ فلم باکس آفس پر بھی ہٹ ہوئی۔ اس کے ساتھ ہی اس فلم کی دلچسپ بات یہ تھی کہ اس فلم کے ذریعے ابھیشیک بچن کو ایشوریہ کے ساتھ فلم کے گانے 'کجرا رے' میں ایک بار پھر اداکاری کرنے کا موقع ملا، جس کے بعد دونوں میں قربتیں بڑھیں اور محبت ہو گئی۔ یہ محبت 2006 میں فلم 'امراؤ جان' کی شوٹنگ کے دوران پروان چڑھی۔ اس کے بعد دونوں نے فلم 'دھوم 2' اور 'گرو' میں ایک ساتھ کام کیا اور اس دوران دونوں نے شادی کرنے کا فیصلہ کیا۔ابھیشیک اور ایشوریہ نے 20 اپریل 2007 کو خاندان کی رضامندی سے شادی کی۔ ان کی ایک بیٹی آرادھیا ہے۔</p>
<p dir="RTL" style="text-align: justify;">
ابھیشیک نے بہت سی فلموں میں شاندار اداکاری کی جن میں سرکار، دس، بلف ماسٹر، کبھی الوداع   نا کہنا، گرو، سرکار راج، پا، بول بچن، ہاؤس فل، بگ بل وغیرہ شامل ہیں۔ ابھیشیک بچن بھی سوشل میڈیا پر کافی ایکٹو ہیں۔ ملک اور بیرون ملک ان کے چاہنے والوں کی تعداد لاکھوں میں ہے۔ ابھیشیک بچن جلد ہی سوشل کامیڈی فلم دسویں میں اداکاری کرتے نظر آئیں گے۔</p>