ہالی ووڈ میں ڈیبیو کے لیے تیارعالیہ بھٹ، اس فلم میں گیل گیڈوٹ کے ساتھ آئیں گی نظر

<p dir="RTL" style="text-align: justify;">
ممبئی،8 مارچ (انڈیا نیرٹیو)</p>
<p dir="RTL" style="text-align: justify;">
فلم اداکارہ عالیہ بھٹ اپنی حالیہ ریلیز ہونے والی فلم گنگوبائی کاٹھیاواڑی کو لے کر تذکروں میں ہیں۔ اس کے ساتھ ہی ان کی ایک اور نئی فلم کا اعلان ہوا ہے۔ عالیہ بھٹ اس نئی فلم کے ذریعے ہالی ووڈ میں ڈیبیو کرنے جا رہی ہیں۔ اس فلم کا نام ”ہارٹ آف اسٹون“ ہوگا۔فلم میں عالیہ بھٹ ہالی ووڈ کی مشہور اداکارہ گیل گیڈوٹ کے ساتھ اداکاری کرتی نظر آئیں گی۔</p>
<p dir="RTL" style="text-align: justify;">
”ہارٹ آف اسٹون“ ایک اسپائی تھرلر فلم ہوگی۔ ٹام ہارپر اس فلم کی ہدایت کاری کرنے جا رہے ہیں۔ یہ فلم نیٹ فلکس پر ریلیز کی جائے گی۔ فلم میں گیل گیڈوٹ ایک جاسوس کے کردار میں نظر آئیں گی۔ اگرچہ عالیہ بھٹ کے کردار کے بارے میں سسپنس برقرار ہے۔</p>
<p dir="RTL" style="text-align: justify;">
رپورٹس کے مطابق اس فلم کی شوٹنگ بھی شروع ہو چکی ہے تاہم عالیہ بھٹ کب ٹیم کو جوائن کریں گی اس بارے میں ابھی تک کوئی اطلاع نہیں ہے۔ اس وقت عالیہ کے ساتھ ساتھ ان کے مداح بھی عالیہ کے ہالی وڈ ڈیبیو کی وجہ سے کافی پرجوش ہیں۔ '”ہارٹ آف اسٹون“ کے علاوہ عالیہ بھٹ جلد ہی 'آر آر آر، برہماستر، ڈارلنگس، راکی اور رانی کی محبت کی کہانی میں نظر آئیں گی۔</p>