انوپم کھیر صرف 37 روپے لے کرآئے تھے ممبئی،کس فلم سے بالی ووڈ میں رکھا تھا قدم؟

بالی وڈ اداکار انوپم کھیر کا آج یعنی 7 مارچ کو یوم پیدائش ہے۔ انوپم کھیر ہماچل پردیش کے دارالحکومت شملہ میں ایک کشمیری پنڈت خاندان میں پیدا ہوئے۔ انوپم کھیر نے نیشنل اسکول آف ڈرامہ سے اداکاری کی تعلیم حاصل کی ہے۔

انوپم کھیر نے 1984 میں مہیش بھٹ کی فلم ’’سارانش‘‘ سے تفریحی دنیا میں قدم رکھا۔ اس فلم میں انوپم نے ایک 28 سالہ متوسط طبقے کے ریٹائرڈ بزرگ کا کردار ادا کیا تھا۔

انوپم کھیر نے اپنے کیریئر کے آغاز میں کافی جدوجہد کی ہے۔ انوپم کھیر صرف 37 روپے لے کر ممبئی آئے تھے۔ ابتدائی دنوں میں انہوں نے رات ریلوے اسٹیشن پر گزاری تھی۔ انوپم کھیر کو ان کی شکل کی وجہ سے کوئی نہیں رکھ رہا تھا۔

پہلے تین سالوں میں انہیں کسی نے نوکری نہیں دی۔ ایسے مشکل وقت میں ایک موقع پر انہوں نے گھر واپس آنے کا فیصلہ کر لیا تھا۔ تاہم اس کے بعد ان کی ملاقات مہیش بھٹ سے ہوئی۔ مہیش بھٹ نے انہیں فلم ’’سارانش‘‘ میں کام کرنے کی پیشکش کی۔ فلم ’’سارانش‘‘ نے انوپم کھیر کے کیرئیر کو رفتار دی۔

انوپم کھیر جو کبھی صرف 37 روپے لے کر ممبئی آئے تھے، اب کروڑوں کماتے ہیں۔ فلموں کے علاوہ وہ اشتہارات اور ٹی وی شوز سے بھی کماتے ہیں۔ انوپم کھیر نے 1979 میں مدھومالتی سے شادی کی۔ یہ انوپم کھیر کی ارینج میرج تھی۔ تاہم، ان کی شادی زیادہ دیر تک نہیں چل سکی۔ اس کے بعد 1985 میں انوپم کھیر نے اداکارہ کیرن کھیر سے شادی کی جو  چنڈی گڑھ سے لوک سبھا ایم پی بھی ہیں۔