کانز 2022: دیپیکا نے سبیہ ساچی کی ساڑی میں ریڈ کارپٹ پر لگائی آگ

<p dir="RTL" style="text-align: justify;">
ان دنوں کانز فلم فیسٹیول زوروں پر ہے جہاں دنیا بھر کے ستاروں کے ساتھ ساتھ ہندوستانی ستارے بھی اپنی جلوے بکھیر رہے ہیں۔ ان ستاروں میں دیپیکاپادکون بھی شامل ہیں جو اپنے ڈریس سینس کی وجہ سے کافی سرخیوں میں ہیں۔ دیپیکا اس سال کانز کی آٹھ رکنی جیوری کا بھی حصہ ہیں۔</p>
<p dir="RTL" style="text-align: justify;">
<img alt="" src="https://urdu.indianarrative.com/upload/news/dipika435.webp" /></p>
<p dir="RTL" style="text-align: justify;">
پیر کو اداکارہ نے سرخ قالین پر سبیہ ساچی کی ڈیزائن کردہ ساڑی پہن کر واک کی تو تماشائی ان سے نظریں نہ ہٹا سکے۔ دیپیکا ریٹرو اسٹائل کی ساڑی میں بہت خوبصورت لگ رہی تھیں۔ دیپیکا نے انسٹاگرام پر اپنا یہ لْک شیئر کیا ہے جسے ان کے مداح کافی پیار دے رہے ہیں۔</p>
<p dir="RTL" style="text-align: justify;">
ریڈ کارپٹ پر واک کرنے کے بعد میڈیا سے گفتگو کرتے ہوئے دیپیکا نے کہا کہ یہ ایک اعزاز کی بات ہے، جب ہمیں موقع دیا جاتا ہے تو ہمیں اسے نہایت عاجزی اور شکرگزار کے ساتھ لینا چاہیے۔</p>
<p dir="RTL" style="text-align: justify;">
قابل ذکر ہے کہ کانز فلم فیسٹیول 17 مئی سے 28 مئی تک چلے گا۔ مرکزی وزیر انوراگ ٹھاکر کی قیادت میں ہندوستان کے فنکار جیسے دیپیکا پادوکون، تمنا بھاٹیہ، ایشوریہ رائے بچن، نوازالدین صدیقی، اروشی روتیلا، آر مادھون، شیکھر کپور اور اے آر رحمان اس میلے میں حصہ لے رہے ہیں۔ اس سال پہلی بار ہندوستان کو 'کنٹری آف آنر' سے نوازا جا رہا ہے۔</p>