برسی 14 جون پر خصوصی پیشکش: سشانت سنگھ راجپوت نے بیک گراونڈ ڈانسر کے طور پر اپنے کیریئر کا آغاز کیا

<p dir="RTL" style="text-align: justify;">
اپنی مسکراہٹ اور شاندار اداکاری سے سب کا دل جیتنے والے اداکار سشانت سنگھ راجپوت آج ہمارے درمیان نہیں  ہیں لیکن وہ بالی ووڈ کے ان اداکاروں میں سے ایک تھے جنہوں نے اپنی محنت اور شاندار اداکاری کی بدولت وہ مقام حاصل کر لیا جس کا خواب ہر اسٹرگلنگ اداکار مختصر عرصے میں دیکھتا ہے۔ بالی ووڈ میں اپنی پہچان بنانے والے ہینڈسم اداکار سوشانت سنگھ راجپوت 21 جنوری 1986 کو پٹنہ، بہار میں کرشنا کمار سنگھ اور اوشا سنگھ کے گھرمیں پیدا ہوئے۔ پٹنہ کے سینٹ کارنس ہائی اسکول سے ابتدائی تعلیم حاصل کرنے کے بعد وہ مزید تعلیم کے لیے دہلی آئے اور دہلی کے کلاچی ہنسراج ماڈل اسکول سے اسکول کی تعلیم مکمل کرنے کے بعد سشانت نے دہلی کالج آف انجینئرنگ سے مکینیکل انجینئرنگ کی تعلیم حاصل کی۔</p>
<p dir="RTL" style="text-align: justify;">
لیکن اسے انجینئرنگ میں ان کا دل نہیں لگا۔ جب سشانت 16 سال کے تھے تو ان کی والدہ کا انتقال ہو گیا۔ وہ اپنی ماں کے بہت قریب تھے۔ ان کی  ماں کی موت کے بعد، سشانت کے والد اور ان کی تین بہنوں شویتا، پرینکا اور میتو نے مل کر ان کا خیال رکھا اور انہیں بہت پیار دیا۔ سشانت نے بیک اپ ڈانسر کے طور پر اپنے کیریئر کا آغاز کیا اور کئی فلم فیئر ایوارڈ شوز میں شرکت کی۔ اس دوران بالاجی ٹیلی فلمس کی کاسٹنگ ٹیم نے سب سے پہلے انہیں دیکھا جس کے بعد سشانت کو ٹیلی ویژن سیریل ’کس دیش میں ہے میرا دل‘ میں کام کرنے کا موقع ملا اور یہیں سے سشانت کے اداکاری کی شروعات ہوئی۔</p>
<p dir="RTL" style="text-align: justify;">
اس کے بعد سوشانت کو ایکتا کپور کے مشہور سیریل 'پویتر رشتہ' میں اداکاری کا موقع ملا۔زی ٹی وی  پر نشر ہونے والے اس سیریل میں سشانت کے ذریعے ادا کیے گئے مانو دیش مکھ کے کردار کو ناظرین نے بہت پسند کیا۔ اس سیریل میں ان کے ساتھ اداکارہ انکیتا لوکھنڈے مرکزی کردار میں تھیں۔ اس سیریل کی شوٹنگ کے دوران سشانت اور انکیتا کی ریل لائف کی محبت ریئل لائفمیں محبت میں بدل گئی اور دونوں نے کھل کر اپنی محبت کا اظہار کیا لیکن 6 سال کے طویل رشتے کے بعد سال 2016 میں دونوں کا رشتہ ٹوٹ گیا۔ تاہم بریک اپ کی اصل وجہ کبھی سامنے نہیں آئی۔ انکیتا سے بریک اپ کے بعد سشانت کا نام اداکارہ ریا چکرورتی کے ساتھ جوڑا جانے لگا۔</p>
<p dir="RTL" style="text-align: justify;">
سشانت کو امت سادھ، راج کمار راو اور امرتا پوری کے ساتھ ابھیشیک کپور کی ہدایت کاری میں بننے والی فلم 'کائے  پو چھے' میں کام کرنے کا موقع ملا۔ دوستی پر مبنی فلم میں سشانت کی اداکاری کو ناظرین نے خوب پسند کیا۔ اس کے ساتھ ہی انہیں اس فلم کے لیے بہترین مرد ڈیبیو ایوارڈ برائے اسکرین ایوارڈ ملا۔ اس کے بعد سشانت فلم’شدھ دیسی رومانس‘،’پی کے‘ اور’جاسوس بیومکیش بخشی‘میں نظر آئے۔</p>
<p dir="RTL" style="text-align: justify;">
سال 2016 میں فلم 'ایم ایس دھونی دی ان ٹولڈ اسٹوری' نے سشانت کو کامیابی کی بلندیوں پر پہنچا دیا۔ اس کے بعد سشانت کو کئی فلموں میں شاندار اداکاری کرتے دیکھا گیا۔ ان کی چند نمایاں فلموں میں رابطہ، ویلکم ٹو نیویارک، کیدارناتھ، سون چیریا، چھچھورے، ڈرائیو، دل بیچارہ  وغیرہ شامل ہیں۔ دل بیچارہ  سشانت کی آخری فلم تھی لیکن اس فلم کی ریلیز سے قبل سوشانت سنگھ راجپوت اس دنیا کو الوداع کہہ گئے۔ سشانت کے دوست مکیش چھابڑا کی ہدایت کاری میں بننے والی اس فلم میں سشانت کے اپوزیٹ اداکارہ سنجنا سنگھی مرکزی کردار میں نظر آئیں۔</p>
<p dir="RTL" style="text-align: justify;">
اداکاری کے علاوہ، سشانت 'ذراا نچ کے دیکھا 2' اور’جھلک دکھلا جا 4‘ جیسے ڈانسنگ شوز میں بھی شریک تھے۔ سوشانت کو فلکیات اور فلکی طبیعیات میں بھی دلچسپی تھی اور ان کے پاس دوربین بھی تھی۔ سشانت کئی سماجی کاموں سے بھی منسلک تھے۔</p>
<p dir="RTL" style="text-align: justify;">
سشانت سنگھ راجپوت نے 14 جون 2020 کو باندرہ کے اپنے فلیٹ میں خودکشی کرلی۔ 15 جون کو ممبئی میں اہل خانہ کی موجودگی میں ان کی آخری رسومات ادا کی گئیں۔ ان کی موت کی خبر نے سب کو چونکا دیا۔ آج بھی ان کے مداحوں کے لیے یہ یقین کرنا مشکل ہے کہ سشانت اس دنیا میں نہیں  رہے۔ سوشانت کے اہل خانہ کے ساتھ ساتھ ان کے تمام مداح اب بھی ان کے لیے انصاف کا مطالبہ کر رہے ہیں۔</p>