دیپیکا پادوکون نے فیفا ورلڈ کپ ٹرافی کی رونمائی کے بعد اپنا تجربہ شیئر کیا

بالی ووڈ اسٹار دیپیکا پادوکون نے اتوار کو ارجنٹینا اور فرانس کے درمیان فیفا ورلڈ کپ 2022 کی ٹرافی کی نقاب کشائی فلم ’ پٹھان‘ کے گانے ’بے شرم رنگ ‘ پر تنازعہ کے درمیان کی۔ دیپیکا پادوکون نے ارجنٹینا اور فرانس کے درمیان کھیلے جانے والے میچ سے قبل سابق ہسپانوی گول کیپر ایکر کاسیلاس کے ساتھ فیفا ورلڈ کپ ٹرافی کی نقاب کشائی کی۔

اس دوران دیپیکا کے پہننے والے لباس کے لک کے بھی بہت چرچے ہیں۔ اداکارہ نے ڈھیلی کالی پینٹ کے ساتھ سفید قمیص پہنی تھی اور ساتھ ہی انہوں نے ٹین رنگ کے لیدر کے اوور کوٹ کو ٹیم اپ کیا تھا، وہیں اس میں اسٹیٹ منٹ بیلٹ بھی ٹاپ اپ کی گئی تھی۔ اپنے لک کو کمپلیٹ کرنے کے لئے سٹل میک اپ کے ساتھ ادارہ نے بالوں کو سلیک بن میں بناکر سیٹ کیا تھا۔

دیپیکا پادوکون نے پیر کو اپنے آفیشل انسٹاگرام کے ذریعے مداحوں کے ساتھ اس عرصے کے دوران ایک ویڈیو شیئر کی۔ ویڈیو شیئر کرتے ہوئے اداکارہ نے کیپشن میں لکھا ، ” فیفا ورلڈ کپ ٹرافی کی نقاب کشائی سے لے کر کھیلوں کی تاریخ کے عظیم ترین کھیلوں میں سے ایک کا مشاہدہ کرنے تک ، میں واقعی میں اس سے زیادہ کی امید نہیں کرسکتی تھی۔“

دیپیکا پادوکون نے فٹبال ٹورنامنٹ کے فائنل سے قبل شاندار ٹرافی کی رونمائی کی

دیپیکا کی یہ ویڈیو سوشل میڈیا پر وائرل ہو رہی ہے اور صارفین اس پر شدید ردعمل کا اظہار کر رہے ہیں۔ فیفا ورلڈ کپ 2022 کا فائنل 18 دسمبر کو ہوا اور یہ ٹورنامنٹ کی تاریخ کے سب سے سنسنی خیز فٹ بال فائنل میں سے ایک ثابت ہوا۔ قطر میں منعقد ہونے والے فیفا ورلڈ کپ 2022 کے حوالے سے ایک اور تاریخی بات یہ تھی کہ بالی ووڈ اداکارہ دیپیکا پادوکون نے فٹبال ٹورنامنٹ کے فائنل سے قبل شاندار ٹرافی کی رونمائی کی۔ وہ فیفا کی تاریخ میں ایسا کرنے والی پہلی ہندوستانی بن گئی ہیں ، جو ہر کسی کے لیے فخر کی بات ہے۔