فلم فیئر نے واپس لیا کنگنا رناوت کا ایوارڈ نامینیشن، جانئے کیا ہے وجہ؟

حال ہی میں اداکارہ کنگنا رناوت کو بالی ووڈ کے سب سے بڑے ایوارڈز میں سے ایک فلم فیئر کے لیے بہترین اداکارہ کی کیٹیگری میں نامزد کیا گیا تھا۔ یہ نامزدگی کنگنا کو ان کی فلم ’تھلاوی‘ کے لیے ملنی تھی۔

دوسری جانب کنگنا نے بیان جاری کرتے ہوئے کہا تھا کہ وہ اس ایوارڈ شو کا حصہ نہیں بننا چاہتی، اس کے باوجود انہیں فون کرکے ہراساں کیا جارہا ہے۔ اسی لیے اب وہ فلم فیئر کے خلاف مقدمہ دائر کرنے کا سوچ رہی ہیں۔

کنگنا کے اس پوسٹ کے بعد فلم فیئر نے بھی اپنی وضاحت پیش کرتے ہوئے ایک بیان جاری کیا ہے، جس میں انہوں نے اداکارہ کے بیان کو غلط قرار دیا ہے۔

پیغام میں لکھا لکھا تھا’ہیلو کنگنا،آپ کو فلم فیئر ایوارڈز میں نامزدگی کیلئے مبارکباد۔ یہ خوشی کی بات ہوگی کہ آپ وہاں موجود رہیں۔برائے مہربانی 30 اگست کو ممبئی کے بی کے سی میں جیو ورلڈ کنونشن سینٹر میں اپنی موجودگی درج کریں۔

اس سے آپ کو اپنی نشستیں محفوظ کرنے میں مدد ملے گی۔ براہ کرم ہمیں اپنے گھر کا پتہ بھیجیں تاکہ ہم آپ کو دعوت نامے بھیج سکیں۔ میگزین نے اپنے طویل پیغام میں یہ بھی کہا ہے کہ کنگنا رناوت کی جانب سے لگائے گئے الزامات جھوٹے اور بے بنیاد ہیں۔

وہ کنگنا کو تقریب میں مدعو کرکے تمام فلمی اداکاروں کے ساتھ ہندوستانی سنیما کا جشن منانا چاہتے تھے۔ فلم فیئر نے اپنے پیغام میں یہ بھی واضح کیا ہے کہ وہ نامزد کو اس وقت بھی ایوارڈ دیتے ہیں جب وہ نہ تو تقریب میں موجود ہوتی ہے اور نہ ہی کوئی پرفارمنس دیتی ہے۔

آپ کو بتاتے چلیں کہ کنگنا پہلے ہی 5 فلم فیئر ایوارڈ جیت چکی ہیں، جن میں سے وہ 2 ایوارڈ فنکشنز (2014 اور 2015) میں موجود نہیں تھیں۔