گوہاٹی تھیٹرکی اداکارہ کواستادبسم اللہ خان یووا پرسکار سے نوازا گیا

 آسام کی تھیٹر اداکارہ قسمت بانو کو سنگیت ناٹک اکادمی کی جانب سے اداکاری کے شعبے میں 2022 کے لیے استاد بسم اللہ خان یووا پرسکار سے نوازا گیا ہے۔

مرکزی وزیر ثقافت جی کشن ریڈی نے حال ہی میں نئی دہلی میں ایک تقریب میں بانو کو یہ ایوارڈ پیش کیا۔سنگیت ناٹک اکادمی موسیقی، رقص اور ڈرامہ کی قومی اکیڈمی ہے اور ملک میں پرفارمنگ آرٹس کی اعلیٰ تنظیم ہے۔

استاد بسم اللہ خان یووا پراسکر، جو 40 سال سے کم عمر کے فنکاروں کو دیا جاتا ہے، سال 2006 میں متعارف کرایا گیا تھا جس کا مقصد پرفارمنگ آرٹس کے مختلف شعبوں میں نمایاں نوجوان صلاحیتوں کی شناخت اور ان کی حوصلہ افزائی کرنا اور انہیں ان کی زندگی کے اوائل میں ہی قومی شناخت دلانا تھا۔

 تاکہ وہ اپنے منتخب شعبوں میں زیادہ عزم اور لگن کے ساتھ کام کر سکیں۔استاد بسم اللہ خان یووا پرسکار پر 25,000 روپے کا نقد انعام ہے۔گوہاٹی سے تعلق رکھنے والی قسمت بانو نے ملک کے ساتھ ساتھ بیرون ملک بھی کئی ڈرامہ فیسٹیولز میں پرفارم کیا ہے۔

وہ پہلے ہی 30 سے زائد ڈراموں میں اداکاری کر چکی ہیں جن میں آکاس، مادھیہ بارتینی، جاترا، دی لیسن، کوملا کووری، ہیلن اور پہور شامل ہیں۔ب

انو نے مختلف تھیٹر فیسٹیول جیسے کہ بھارت رنگ مہوتسو، نندیکر، ای زیڈ سی سی، سنگیت ناٹک اکیڈمی فیسٹیول، پرتھوی، نہرو سینٹر، پی ڈی اے فیسٹیول، کالکشیتر چنئی، اوکٹیو فیسٹیول (گوا اور راجستھان) اور قادر علی بیگ تھیٹر فیسٹیول وغیرہ میں حصہ لیا ہے۔