جان ابراہم نے اپنے کیریئر کا آغاز بطور ماڈل کیا

(انڈیا نیریٹو)

اپنی محنت اور شاندار اداکاری سے بالی ووڈ میں ایک خاص مقام حاصل کرنے والے ہینڈسم اداکار جان ابراہم 17 دسمبر 1972 کو پیدا ہوئے۔ جان نے اپنے کیریئر کا آغاز بطور ماڈل کیا۔ اس کے بعد انہوں نے سال 2003 میں فلم ‘جسم’ سے بالی ووڈ میں قدم رکھا۔ اس فلم میں ان کے مد مقابل بپاشا باسو تھیں۔ فلم میں جان کی اداکاری کو شائقین نے خوب سراہا تھا۔ انہیں اپنی پہلی ہی فلم سے ہی ایک ہاٹ اداکار کے طور پر پہچانا گیا۔ 2004 کی فلم ‘دھوم’ ان کی پہلی کمرشیل فلم تھی، جس نے باکس آفس پر اچھا بزنس کیا۔ جان اس فلم میں منفی کردار میں تھے۔

اس کے بعد جان نے یکے بعد دیگرے کئی کامیاب فلموں میں کام کیا، جن میں دوستانہ، گرم مسالہ، زندہ، کبھی الوداع ناکہنا، بابل، دھن دھنا دھن گول، دیسی بوائز، پرمانو – دی اسٹوری آف پوکھر ن، ہاو¿س فل، ستیہ میو جیتے، بٹلہ شامل ہیں۔ اداکاری کے ساتھ ساتھ جان نے سال 2012 میں فلم پروڈکشن میں بھی قدم رکھا اور جان ابراہم انٹرٹینمنٹ کے نام سے ایک پروڈکشن ہاو¿س قائم کیا۔ انہوں نے وکی ڈونر، مدراس کیفے، راکی ہینڈسم، فورس 2، بٹلہ ہاو¿س وغیرہ جیسی فلمیں بھی پروڈیوس کیں۔اس کے علاوہ جان انڈین سپر لیگ فٹ بال ٹیم نارتھ ایسٹ یونائیٹڈ ایف سی کے شریک مالک بھی ہیں۔

جان ابراہم نے 3 جنوری 2014 کو پریا رنچل، ایک این آر آئی اور انویسٹمنٹ بینکر سے شادی کی۔ لاکھوں دلوں پر راج کرنے والے جان سوشل میڈیا پر بھی کافی متحرک رہتے ہیں۔ کام کے محاذ پر، جان ابراہم جلد ہی شاہ رخ خان اور دیپیکا پادوکون کے ساتھ فلم پٹھان میں نظر آئیں گے