بالی ووڈ کوئن کنگنا رناوت نے اپنی انسٹا سٹوری پر ایک پوسٹ شیئر کی ہے، جس میں انہوں نے اپنی بہن رنگولی چندیل کے ساتھ تیزاب حملےکے درد کا اظہار کیا ہے۔اپنی پوسٹ میں کنگنا نے لکھا- جب میں نوعمر تھی تب میری بہن رنگولی چندیل پر سڑک کنارے ایک رومیو نے تیزاب پھینکا تھا۔۔۔ اسے 52سرجری سے گزرناپڑا تھا۔اتنا ہی نہیں اسے نا قابل تصور ذہنی اور جسمانی زخموں کا سامنا بھی کرنا پڑا تھا۔

ہم مکمل طور پر ٹوٹ چکے تھے…. مجھے بھی تھیرپی سے بھی گزرنا پڑا کیونکہ مجھے ڈر تھا کہ کہیں سے گزرنے والا کوئی مجھ پر تیزاب پھینک دے جس کی وجہ سے جب بھی کوئی موٹر سائیکل یا کار مجھ سے گزرتی تھی اس کے بعد میں فوراً اپنا چہرہ ڈھانپ لیتی تھی۔ میں اس سب سے نکل گئی….لیکن یہ مظالم رکے نہیں….حکومت کو ان جرائم کے خلاف سخت کارروائی کرنے کی ضرورت ہے….میں گوتم گمبھیر سے متفق ہوں،ہمیں تیزاب کے خلاف بہت سخت کارروائی کرنے کی ضرورت ہے حملہ آوروں کے خلاف سخت اقدامات کرنے کی ضرورت ہے۔

کنگنا کی یہ پوسٹ وائرل ہو رہی ہے۔ کنگنا رناوت کی بہن رنگولی چندیل تیزاب حملے سے بچ گئی ہیں اور انہوں نے خود اپنے مداحوں کے ساتھ اس واقعے کا ذکر کرتے ہوئے اپنے درد کا اظہار کیا۔

قابل ذکر ہے کہ منگل کو دو نقاب پوش موٹر سائیکل سواروں نے دہلی کے دوارکا موڑ کے قریب سڑک کے کنارے کھڑی ایک طالبہ پر تیزاب پھینک دیا۔ جس کے بعد تیزاب حملے کا معاملہ ایک بار پھر گرم ہو گیا ہے۔ فی الحال طالبہ کا علاج چل رہا ہے، لیکن ملک میں ہر کوئی اس واقعے کی مذمت کر رہا ہے اور تیزاب حملے کے خلاف سخت کارروائی کا مطالبہ کر رہا ہے۔