فلم ’راکی اور رانی کی پریم کہانی‘باکس آفس پرمچا رہی ہے دھوم

کرن جوہر کی ہدایت کاری میں بننے والی فلم راکی اور رانی کی پریم کہانی باکس آفس پر اچھی بزنس کر رہی ہے۔ 28 جولائی کو ریلیز ہونے والی فلم نے پہلے دن کے مقابلے دوسرے اور تیسرے دن بھی کافی کمائی کی ہے۔ اس فلم میں عالیہ بھٹ اور رنویر سنگھ کی جوڑی اور ان کی کیمسٹری کو ناظرین نے خوب پسند کیا ہے۔ ہفتے کے آخر میں فلم دیکھنے کے لیے ناظرین سینما گھروں کا رخ کرتے ہیں۔

فلم نے پہلے دن یعنی جمعہ کو 11.10 کروڑ روپے کی کمائی کی۔ اس کے بعد دوسرے دن یعنی ہفتہ کو فلم کی کمائی میں 44.59 فیصد اضافہ ہوا اور 16.5 کروڑ جمع کر لیے۔ فلم نے ریلیز کے تیسرے دن یعنی اتوار کو 18 کروڑ روپے کا شاندار کلیکشن کیا۔ اب چوتھے اور پانچویں دن کے اعداد و شمار سامنے آ گئے ہیں۔

میڈیا رپورٹس کے مطابق فلم نے منگل کو 7.75 کروڑ کا بزنس کیا ہے۔ فلم نے باکس آفس کے پیر کے امتحان میں بھی کامیابی حاصل کی ہے اور اب تک فلم نے بھارت میں تقریباً 60.17 کروڑ کا بزنس کر لیا ہے۔ فلم نقاد اور تجارتی ماہر ترن آدرش نے بھی پیش گوئی کی ہے کہ فلم پہلے ہفتے میں ہی 70 کروڑ روپے کا ہندسہ عبور کر لے گی۔ یہی نہیں، یہ بھی کہا جا رہا ہے کہ فلم دوسرے ہفتے تک 100 کروڑ کا ہندسہ عبور کر لے گی۔

کرن جوہر اس فلم کے ساتھ 8 سال بعد بطور ہدایت کار واپس آئے ہیں۔ ‘راکی اور رانی کی پریم کہانی’ میں عالیہ نے بنگالی لڑکی اور رنویر نے پنجابی لڑکے کا کردار ادا کیا ہے۔ اس کے ساتھ فلم میں دھرمیندر، جیا بچن، شبانہ اعظمی، کشتی جوگ سمیت کئی اداکار اہم کردار ادا کر رہے ہیں۔